December 1, 2021

Rwandanews24

Publishing Factual, verified and accurate stories

Uri umufasha nahawe na Rurema amwe mu magambo akomeye yatangajwe na Munyaneza Didier uzwi ku izina rya Mbappe.

YASUWE 42 

 

Mbappe yasezeranye imbere y’amategeko na niyomubyeyi Joselyne bari bamaze imyaka ine bakundana.

Munyaneza Didier uzwi rya  Mbape umukinnyi w’ikipe y’igihugu y’Amagare yasezeranye na Niyomubyeyi Joselyne imbere y’amategeko, muri iki cyumweru, uyu mukinnyi witegura isiganwa rya Tour du Rwanda yari amaze imyaka ine akundana n’uyu Mwari.

Niyomubyeyi Joselyne arahirira imbere y’amategeko ko haba mu byiza no mu bigoye azihanganira Munyaneza Didier

Basezeranye kuri uyu wa kane Tariki ya 12 Ukuboza mu Murenge wa Jenda wo  mu Karere ka Nyabihu, biyemeza kubana akaramata.


Mu mafoto yanyuze ku rukuta rwe rwa twitter agaragaza ko biteguye gusezerana imbere y’Imana mu rusengero bizaba tariki 28 Ukuboza 2019.

Munyaneza Didier yahiriwe cyane n’umwaka wa 2019, mu ntangiriro z’ukwezi k’Ukuboza yegukanye agace ka nyuma ka Rwanda Cyling Cup 2019, kakiniwe mu Mujyi wa Kigali, kandi mbere yaho yatwaye Tour du Senegal 2019.

Didier Munyaneza w’imyaka 21 yatangiye gusiganwa ku magare kuva mu 2016, yatangiriye muri Benediction Club ndetse aracyari no muri iyi kipe.

Benediction Club akinira yashyizwe mu kiciro cy’amakipe akina amarushanwa yo ku migabane itandukanye muri uyu mwaka.

Mu 2017 Munyaneza yabaye uwa kabiri muri Shampiyona y’u Rwanda mu gusiganwa n’ibihe mu batarengeje imyaka 23, ndetse aba uwa munani muri Tour du Rwanda.

Mu mwaka ushize, Munyaneza yegukanye Shampiyona y’u Rwanda yo gusiganwa mu muhanda, aba uwa kabiri muri Africa Cup mu gusiganwa n’ibihe, ndetse aba uwa karindwi mu gusiganwa mu muhanda.

Munyaneza Didier bakunda kwita Mbape abanje gukora igikorwa cy’abagabo, mbere y’uko yitabira Tour du Rwanda izaba muri Gashyantare 2020.

Ni umwe mu bakinnyi 15 bazatoranwamo umukinnyi wahize abandi mu mwaka wa 2019 muri Africa.

Nyuma yo gusezerana imbere y’amategeko yagize ati”Uri umufasha nahawe na rurema”.