December 7, 2021

Rwandanews24

Publishing Factual, verified and accurate stories

Dr. Kayumba arashinja polisi kumuhohotera ku kibuga cy’indege

YASUWE 62 

Mugitondo cy’uyu wa kabiri taliki ya 10 Ukuboza 2019, Dr. Kayumba Christopher yanditse ubutumwa kuri Twitter ashinja polisi y’igihugu ihohotera ku kibuga cy’indege mpuzamahanga cya Kanombe, avuga ko yabujijwe kugendera mu ndege polisi ivuga ko yari yakerewe.

Dr. Kayumba yagizi ati: “Ndi ku kibuga cy’indege, ndajya i Nairobi mu ndege ya saa 1h10 ariko imiryango irafunze. Polisi yifashishije imbunda, ikagukubita uko yishakiye. Gukubita abantu no kubatera ubwoba ntibizana ikizere.”

Polisi itaragira icyo ivuga kuri ubu butumwa bwa Dr. Kayumba, abantu batandukanye bavugaga ko impamvu yabujijwe kujya i Nairobi ari uko ashobora kuba yari yasinze. Byasanishijwe no kuba mu minsi ishize yaravuzweho gufungirwa kuri sitasiyo ya polisi i Remera na bwo yasinze ndetse no kuba mu gihe gishize harigeze kujya hanze utu ’video’ tubiri yasinze ndetse harimo iyo yashwanaga n’abapolisi bamufatiye modoka.

Umwe ati: ” Umwana murizi…”, undi ati” ntabwo uko wari umeze kwari gutuma bakwemerera kujya mu ndege, ku bw’umutekano wawe n’abagenzi.”

Bumwe mu butumwa bwasubije Dr Kayumba

Polisi y’u Rwanda ibicishije ku rukuta rwayo rwa Twitter igaragaza ko Dr. Kayumba yari yakerewe. Itike polisi yashyize ahagaragara igaragaza ko indege yari kugendamo yari kujya i Nairobi saa 10h0, bihabanye na saa 1h10 Dr. Kayumba yari yavuze mbere.

Polisi ivuga Dr. Kayumba yageze ku kibuga cy’indege cya Kanombe saa 9h50, mu gihe kugenzura abagenzi byafunzwe saa 9h20; bivuze ko yaba yakerewe iminota 30.

Dr. Kayumba yemerewe kugendera mu ndege ikurikiraho ariko arabyanga, abasubiza ngo: ” Nimutandeka ngo ngende, ikibuga cy’indege ndagifunga” nk’uko polisi ibitangaza.

Dr. Kayumba na polisi y’igihugu

Muri Nzeri 2018, imodoka ya Dr. Kayumba usanzwe ari umwarimu muri Kaminuza y’u Rwanda akaba umunyamakuru n’umusesenguzi muri politiki yafatiwe mu gikorwa polisi yavuze ko cyari kigamije gushaka abatwara basinze mu rwego rwo gukumira impanuka n’ubuzima bw’abaturage.

Dr. Kayumba yaje kwandika ubutumwa ku rubuga rwe rwa Twitter tariki ya 28 Nzeri ashinja polisi y’igihugu kumuhohotera imushinja ibyaha birimo ubusinzi, bikurikirana n’ubutumwa bwa polisi bwavugaga ko igiye gukurikirana Dr. Kayumba kubera kuyiharabika.

“Polisi y’u Rwanda imaze igihe kirekire imbuza gutwara imodoka nisanzuye. Buri gihe iyo ntwaye bampimbira ibyaha, bagatwara imodoka yanjye.” Dr. Kayumba.

Imyitwarire idahwitse iterwa n’ubusinzi ni yo abasomye ubutumwa bwe bwo muri Nzeri 2018, abumvishe iby’ifungwa rye n’ababonye ubutumwa Dr. Kayumba yanditse uyu munsi bamunengera, rimwe na rimwe bakima amatwi ubutumwa bwe cyangwa se bagatekereza ko icyo akoze cyose agiterwa n’ubusinzi.

iyi niyo ticket Kayumba yari kugenderaho