November 27, 2021

Rwandanews24

Publishing Factual, verified and accurate stories

Bujumbura: Umusaza ukomoka muri Guinea wari ufite akabari mu Bwiza yasanzwe mu muferege yishwe

YASUWE 50 

Umusaza ukomoka muri Guinea wari utuye I Bujumbura witwa Mamadou Saliyou w’imyaka 72 wari ufite akabari kazwiho gucuruza inyama zokeje zizwi nka Mchopo, yishwe n’abantu bataramenyekana.

Ubu bwicanyi hataramenyekana uwabukoze bwabaye mu ijoro ryo kuwa Gatanu rishyira kuri uyu wa Gatandatu, italiki 07 Ukuboza 2019.

Amakuru dukesha SOSMedias Burundi aravuga ko aka kabari ka Mamadou Saliyou gaherereye ku muhanda wa kabiri wo mu gace ka Bwiza, Komini Mukaza, mu Mujyi wa Bujumbura rwagati.

Abatangabuhamya bavuga ko umurambo we wagaragaragaho ibikomere ku mutwe. Umwe mu batangabuhamya ati: “Ashobora kuba yishwe mu masaha akuze y’ijoro ubwo yari arimo gutaha kuri uwo muhanda n’ubundi.”

Umurambo we wasanzwe mu muferege, hagati aho abakozi bamukoreraga nibo batawe muri yombi mu iperereza ry’ibanze.

Bitewe n’imigenzo y’idini ya Islam nyakwigendera yabarizwagamo, yahise ashyingurwa kuri uyu wa Gatandatu mbere ya saa sita.