December 7, 2021

Rwandanews24

Publishing Factual, verified and accurate stories

Urubyiruko rwa Uganda ibihumbi 4 rugiye kwinjizwa mu gisirikare

YASUWE 69 

Umuvugizi w’igisirikare cya Uganda, Brig. Gen. Richard Karemire kuri uyu wa gatandatu taliki ya 7 Ukuboza 2019, yatangaje ko kuva taliki ya 27 kugeza taliki ya 5 Mutarama 2020, urubyiruko rugera ku 4000 ruzaba rumaze kwinjizwa mu gisirikare.

Uru rubyiruko ruri hagati y’imyaka 18 na 30 ruzinjizwa muri iki gisirikare (UPDF) kugira ngo rusimbure abageze mu zabukuru bagiye gusezererwa nk’uko ubutumwa bwa Gen. Karemire mu nkuru ya The Daily Monitor bubivuga.

Ruzinjira mu gisirikare mu byiciro bibiri harimo icyo kuva ku myaka 18 kugeza kuri 25 bazinjiramo bisanzwe. Aba bagomba kuba nibura barageze mu mwaka wa kane w’amashuri yisumbuye, barize amasomo y’ubumenyi (science).

Ikindi kiciro ni icy’abari hagati y’imyaka 18 na 30 bazinjira mu buryo bwa kinyamwuga (professional recruitment). Aba bagomba kuba ari ba ’engineers’, abafite impamyabumenyi mu butabire no mu buvuzi.

Nk’uko abasirikare bakuru ba Uganda bamaze iminsi babitangaza, UPDF irashaka kubaka igisirikare gikomeye, cyahora cyiteguye gutabara aho rukomeye. Byatangajwe ubwo hatangizwaga igikorwa cyo kubarura abasirikare n’abandi bahoze mu nzego z’umutekano kugira ngo bategurwe nk’abasirikare.

Ibi byakurikiranye n’igikorwa cya Perezida Museveni cyo gukora impiduka mu gisirikare, ubwo yahaga Brig. Gen. Charles Okidi inshingano z’Umugaba w’Ingabo zirwanira mu kirere, asimbuye Gen. Maj. Paul Lokech. Brig. Gen. Francis Takirwa yagizwe umuyobozi wa Diviziyo II irinda imbibi zihuza Uganda, u Rwanda na Congo.

Izi mpinduka mu gisirikare na gahunda nshya zigamije kongera ubushobozi bwa UPDF hari abavuga ko impamvu yabyo ari umutekano ndetse n’umubano utifashe neza n’ibihugu byo mu karere gusa Uganda nta kintu yigeze ibivugaho.

Abasirikare ibihumbi 4 bangana na batayo zirenga 10, bakangana na kampani 40, burigade zo zigera kuri 5.