December 3, 2021

Rwandanews24

Publishing Factual, verified and accurate stories

Umunyana Shanitah yatahiye aho muri Miss Supranational 2019, ikamba ryegukanwe n’umunya Thailand

YASUWE 56 

Umunyana Shanitah wegukanye ikamba ryo guhagararira u Rwanda mu Irushanwa rya Miss Supranational International mu 2019 ryaberaga muri Pologne yatahiye aho mu gihe ikamba ryegukanwe n’umunya Thailand.

Ibi byabaye mu ijoro ryo ku wa Gatanu taliki 6 Ukuboza 2019 ubwo hatangwaga ikamba nyuma y’igihe iri rushanwa ryari rimaze ribera muri Pologne.

Mbere y’uko batangaza uwegukanye ikamba babanje gutangaza 25 ba mbere batigeze bagaragaramo Umunyana Shanitah wari uhagarariye u Rwanda, bivuze ko yari amaze gusezerwa kimwe na bagenzi be batigeze baza muri iyo myanya y’imbere.

Abakobwa bahagarariye ibihugu 25 byaje imbere ni abo muri; Colombia, Argentina, Ireland,Iceland, Dominican Republic, Singapole, Panama, Puerto Rico, Leta zunze Ubumwe za Amerika, Pologne, New Zeland, Namibia, Trinida and Tobago, Mexique, u Buhinde, Guatemala, Philippines, Thailand, Cameroon, Vietnam, u Buholandi, Czech Republic, Venezuela, Indonesia na Peru.

Nyuma hasezerewe 15 hatoranywa icumi ba mbere , hanyuma batora ba 5 ba mbere banavuyemo uwegukana ikamba n’ibisonga bye.

Muri 5 ba mbere hari harimo uhagarariye; Namibia,Thailand, Indonesia, Peru na Venezuela. Nyuma batangira gutangaza abegukanye amakamba atandukanye.

Ikamba rya Miss Supranational 2019 ryegukanywe n’umukobwa wari uhagarariye Thailand, igisonga cya mbere aba umukobwa wari uhagarariye Namibia, igisonga cya kabiri yabaye uhagarariye Indonesia, igisonga cya gatatu yabaye uhagarariye Peru, mu gihe igisonga cya kane yabaye uhagarariye Venezuela.