December 3, 2021

Rwandanews24

Publishing Factual, verified and accurate stories

Gitwe: Uwasezerewe mu ngabo yashimuswe

YASUWE 89 

Uwasezerewe mu gisirikare cy’u Burundi (ex-FAB) wari utuye ku musozi wa Gitwe, Komini Matongo, mu Ntara ya Kayanza yashimuswe kuwa Kabiri taliki ya 18 Ugushyingo 2019.

Izina rye ni Sixte Nkezabahizi akaba yaratwawe hamwe n’undi muntu we ubarizwa mu ishyaka rya CNL ritavuga rumwe na Leta y’u Burundi. Abo mu miryango yabo bakaba bavuga ko batazi aho bajyanwe gufungirwa, bagasaba inzego z’ubuyobozi kubafasha kubabona.

Radio RPA amakuru ayigeraho avuga ko abaturage bo kuri uyu musozi wa Gitwe bemeza ko ababatwaye bari bambaye impuzankano za gisirikare bakaba baragiye mu rugo rwa Sixte Nkezabahizi ari naho bamuvanye.

Uyu ati “Bamusaka babonye inkweto butini za gisirikare hamwe n’ikote ry’ishashi rya gisirikare, bajyanye nyirabyo hamwe n’umuyoboke wa FLN, kuva icyo gihe ntabwo tuzi aho bajyanwe”.

Abaturage bavuga ko uko ari babiri batangiye gutoterezwa aho bityo bagasaba ko ishimutwa rikorerwa abahoze mu gisirikare cy’u Burundi (Ex-FAB) hamwe n’abatavuga rumwe na Leta ryahagarara.

N’ubwo uyu mugabo yafatanwe imwe mu myenda yakoreshaga mu kazi, iki gitangazamakuru gitangaza ko nta tegeko rihana uwahoze mu gisirikare kuba yatunga inkweto cyangwa ikote ngo keretse ufatanwe intwaro n’imyenda y’urugamba (Ipatalo n’ishati yayo bya gisirikare).