December 3, 2021

Rwandanews24

Publishing Factual, verified and accurate stories

Inzoga za Bralirwa zamenetse abantu barinywera barasinda abandi bararwana barakomeka – Amafoto

YASUWE 61 

Umwe mu baturage bo mu Murenge wa Mukura, mu Karere ka Huye yakomeretse abandi barakubitwa, mu bushyamirane bw’inzoga zakomotse ku modoka yari izitwaye nyuma igafungukira mu muhanda rwagati.

Ibi byabaye mu gitondo cyo kuri uyu wa Mbere taliki ya 18 Ugushyingo 2019 nk’uko TV na Radio 1 dukesha iyi nkuru bitangaza, ngo ubwo inzoga zamenekaga mu muhanda abaturage bazirwaniye biteza urugomo rwakubitiwemo umwe icupa mu mutwe agakomereka.

Bamwe mu baturage babibonye bavuga ko inzoga zamenetse mu ikoni riri hafi neza y’ahitwa ku kibuye cya Shari, ari naho iyi modoka yari ipakiye inzoga yagiriye ibibazo nyuma yo gufunguka maze zimwe zigatakara mu muhanda zikameneka

Nyuma ngo ni bwo abaturage bahise bahurura batanguranwa no kunywa izi nzoga ari nako birukira mu myaka abandi ari nako batwara inzoga.

Usibye abakomeretse byoroheje muri uku kurwanira inzoga,hari abavuga ko bakubiswe n’abasahuraga izi nzoga.

Ubuyobozi bw’umurenge wa Mukura busaba abaturage kujya batabara nk’uko biri mu muco nyarwanda,aho kwihutira gusahura ibinyabiziga bikoze impanuka.

Umushoferi w’iyi modoka yavuze ko iyo Polisi y’igihugu itahaba,n’izasigayemo abaturage bari kuzimaramo.

Umunyamabanga Nshingwabikorwa w’Umurenge wa Mukura, Ngabo Fidele avuga ko iyi mpanuka yabaye mu masaha y’igitondo, ariko uwakomerekeye muri uku kurwanira inzoga yivuje,gusa “agasaba abaturage kujya batabara bagatanga ubufasha bukenewe ahabaye impanuka, aho kwihutira gusahura.”

Nyuma y’ibi hari urugo abaturage bashinjaga ko rwasahuriwemo izindi nzoga barwuzuyeho basaba ba nyira rwo gukingura ariko we akababwira ko nta zihari,aho mu ma saa tanu benshi bari bagitegereje banze gutaha.

Uyu ariko ukaba ari umuco unengwa n’ubuyobozi bw’umurenge.