December 1, 2021

Rwandanews24

Publishing Factual, verified and accurate stories

Ubufaransa bwemereye Congo ubufasha bwo guhashya inyeshyamba

YASUWE 64 

Perezida Emmanuel Macron w’Ubufaransa yemereye inkunga ya gisirikare Repubulika ya Demokarasi ya Kongo yo kurwanya imitwe yitwaje intwaro ikorera mu burasirazuba bw’igihugu, nk’uko bitangazwa n’ibiro ntaramakuru AFP.

AFP isubiramo amagambo ya Bwana Macron abwira mugenzi we Félix Tshisekedi wa Congo ati: “Ubufaransa buri uko bwakabaye ku ruhande rwa Congo mu kurwanya imitwe yitwaje intwaro ihungabanya umutekano mu gihugu”.

Bwana Macron yongeyeho ko imwe muri iyo mitwe ifitanye isano n’umutwe wiyita leta ya kisilamu (IS).

Perezida Macron yavuze ko iyo nkunga izaba iri “mu rwego rwa gisirikare” kandi harimo n’ibijyanye n'”ubutasi”, ariko ntiyagira amakuru arenzeho atanga.

Perezida Tshisekedi ni umwe mu bakuru b’ibihugu na za leta 30 bitabiriye inama ngarukamwaka ya kabiri yitwa inama y’amahoro ya Paris.

Amagambo ye yasubiwemo avuga ko ashaka kubona “Ubufaransa burushaho kugaragara cyane muri Afurika”.

Yongeyeho ati: “Iyo inshuti iri mu bibazo, urayifasha”.

Muri uyu mwaka wa 2019, igisirikare cya DR Congo cyatangije ibikorwa byo kurwanya imitwe yitwaje intwaro ikorera mu burasirazuba bw’icyo gihugu.