December 7, 2021

Rwandanews24

Publishing Factual, verified and accurate stories

Abarwanyi 4 ba FNL na MRCD bateye igisasu I Kamembe Polisi yabafashe

YASUWE 64 

Nk’uko Rwandanews24 yari yabagejejeho inkuru taliki ya 20 Ukwakira 2019 igira iti: Abantu bataramenyekana bateye igisasu mu mujyi wa Kamembe  cyari igitero cyagambwe n’abantu bari bataramenyekana, ariko nk’uko Police yatangaje ko igiye gukora iperereza kugirango uwo ariwe wese wabigizemo uruhare afatwe, ntabwo yigeze itererana abaturage, Police yakoze akazi kayo.

Uyu munsi taliki ya 27/10/2019  yagaragarije  abaturage n’itangazamakuru abagabo bane bakurikiranweho ibyaha by’iterabwoba byari bimaze iminsi bibarizwa muri kariya karere.

Aba bagabo bicaye ku ntebe nibo bakurikiranyweho icyaha cyo guhungabanya umutekano i Kamembe

Abo bagabo bafatanwe izindi ntwaro zirimo imbunda, Grenade ndetse n’amasasu n’ibindi bakaba bemera ko ibitero byose byabereye muri kariya karere babifitemo uruhare.  Bakomeje bavuga ko baturuka mu mitwe y’iterabwoba ya FLN ndetse na MRCD ishaka guhungabanya ubusugire bw’u Rwanda.

Aba barwanyi ngo mbere y’uko baza guhungabanya  umutekano w’u Rwanda  bari babanje kwizezwa ko bagomba kuvanwa mu bukene.

 

 

Uyu ni umwe mu bafashwe wabwiraga abaturage uko babigenje                      
Izi ni intwaro bafatanye aba barwanyi