December 3, 2021

Rwandanews24

Publishing Factual, verified and accurate stories

Karongi: Urubanza rw’impunzi z’Abanyekongo rwatangiye kuburanishwa

YASUWE 63 

Mugitondo cyo kuri uyu wa kane taliki ya 24 Ukwakira 2019,  ku rukiko rwisumbuye rwa Karongi hatangiye kuburanishwa impunzi 5 zari mu nkambi y’abanyekongo ya Kiziba zishinjwa uruhare mu myigaragambyo yabaye mu mwaka ushize wa 2018 aho 11 mu mpunzi bapfuye mu bushyamirane n’ingabo na polisi y’u Rwanda.

Mu baregwa harimo Maombi Louis wari umuyobozi w’iyi nkambi irimo abarenga 17,000 iri mu burengerazuba bw’u Rwanda.

Bararegwa ibyaha birimo; gukwiza impuha zigamije kwangisha u Rwanda mu mahanga no gukoresha inyigaragambyo n’inama zitemewe.

Mu ntangiriro za 2018 izi mpunzi bari mu myigaragambyo mu mujyi wa Kibuye zamagana igabanuka ry’ibyo bahabwa bibatunga buri munsi.