December 7, 2021

Rwandanews24

Publishing Factual, verified and accurate stories

Davido yabyaye umwana wa mbere ku mugore wa gatatu

YASUWE 56 

Umuhanzi uri mu bakunzwe mu gihugu cya Nigeria, Davido yabyaye umwana we wa mbere ku mukobwa bamaze iminsi bari mu rukundo witwa Chioma Avril Rowland.

Davido na Chioma, bibarutse umwana w’umuhungu kuri iki Cyumweru taliki 20 Ukwakira 2019. Bamwise David Adedeji Ifeanyi Adeleke Junior.

Davido yari aherutse kwambika umukunzi we impeta amusaba ko yazamubera umugore. Uyu muhanzi akaba yaranahise ajya gusaba no gutanga inkwamo mu muryango w’uyu mukobwa.

Chioma w’imyaka 24 y’amavuko, abaye umugore wa gatatu, Davido abyaranye nawe  harimo Sophia Ajibola Momodu babyaranye imfura ye ndetse n’umunyamerikakazi witwa Amanda wamwibarukiye ubuheta.

Davido yahuje imiryango yombi abereka umugore we, bateganya gukora ubukwe muri 2020

Davido na Chioma bahuriye muri kaminuza ya Babcock University icyogihe Davido yigaga ibijyanye n’umuziki, urukundo rwabo rwatangiye ubwo, ni uko baza kugaragaza ko bakundana nyuma y’imyaka 5, ari nabwo Davido yahitaga aha uyu mukobwa impano y’imodoka ihenze cyane, icyogihe hari ku isabukuru y’uyu mukobwa ubwo yuzuzaga imyaka 23.