December 3, 2021

Rwandanews24

Publishing Factual, verified and accurate stories

DRC-Ituri: Abantu basaga ibihumbi 800.000 bavuye mu byabo barahunga

YASUWE 90 

Muri Repubulika Iharanira Demokarasi ya Congo mu ntara ya Ituri, abantu basaga ibihumbi Magana inani (800.000) bamaze kuva mu byabo bahunga umutekano mucye w’imirwano y’inyeshyamba zahinduye indiri uburasirazuba bwa Congo.

Kuri iki cyumweru taliki ya 20 Ukwakira 2019, Raport y’umuryango uharanira uburenganzira bwa muntu yashyizwe ahagaragara, ivugako abasaga ibihumbi 560.000 bahunze muri 2018, ibihumbi 235.000 bahunze muri uyu mwaka wa 2019, ndetse n’abagera ku bihumbi 14500 bahunze mu mezi 3 ashize muri uyu mwaka wa 2019.

Amakuru dukesha Radio Okapi aravuga ko  izi mpunzi ziri mu nkambi (sites)  87 muri Ituri, bakaba bagiye bari mu masite atandukanye nka Djugu muri Irumu na Mahagi, ngo bakaba babayeho mu buzima butaboroheye nk’uko iyi raporo ikomeza ibivuga.

Iyi raporo kandi ivuga ko bitewe no kutabona ubuvuzi aha bacumbitse, abana bamaze kugerwaho n’indwara zituruka ku mirire mibi n’izikomoka ku mwanda.

Imwe mu miryango iharanira uburenganzira bw’abana nka Save the Children na Medair, yamaze gushyira  ibikorwa by’ubuvuzi mu duce tumwe na tumwe twa Nizi, Fataki, Lita, Drodro na Tchomia. Bakaba kandi begerejwe 30% by’ibikenerwa mu buzima bw’ibanze.

Izi mpunzi zigera ku bihumbi 800.000 zavuye mu byabo, zije ziyongera ku zindi zatwikiwe amazu, nazo zibayeho mu buzima bubi, nk’uko iyi raporo yemeza ko abagera kuri 240.000 bahunze mu mezi 18 ashize.