December 7, 2021

Rwandanews24

Publishing Factual, verified and accurate stories

Abagabye igitero mu Kinigi bafashwe mpiri abishwe bashyinguwe mu cyubahiro (ivuguruye)

YASUWE 141 

Nk’uko rwandanews24 yari yabagejejeho inkuru y’igitero cyagabwe mu Kinigi I Musanze, ariko ikababwira ko inzego zibishinzwe zitaratanga amakuru y’impamo kuri iki gitero, kuri ubu Polisi y’igihugu yamaze gutangaza amakuru y’impamo.

Ku mugoroba wo kuri iki cyumweru taliki ya 6 Ukwakira 2019, nibwo abantu 14 bishwe n’igitero cyagabwe mu Kinigi I Musanze mu ijoro ryo kuwa gatanu taliki ya 4 Ukwakira 2019 bashyinguwe.
Bamwe mu bagabye iki gitero bagera kuri 19 barishwe, 5 muri bo batwa mpiri n’inzego z’umutekano nk’uko byatangajwe na Polisi y’igihugu.

Aba bafashwe bavuze ko baturutse muri FDLR, ngo bakaba bari bamaze icyumweru mu nzira bagenda kuko ngo bahagurutse mu birindiro byabo ku cyumweru taliki ya 29 Nzeli 2019 bafite umugambi wo gufata igihugu, bakaba bari 45.

Abaguye muri iki gitero bashyinguwe mu cyubahiro

Iki gitero cyabaye mu ijoro ryo kuwa gatanu rishyira uyu wa gatandatu taliki ya 5 Ukwakira 2019 mu masaha ya saa yine z’ ijoro, nibwo abantu bagabye igitero mu murenge wa Kinigi na Musanze mu tugari twa Bisoke na Kahugu, bakagenda barasa uwo bahuye nawe wese, abandi bakabatera ibyuma, abandi bakabatemagura, abagerageje guhamagara ngo batabaze nabo bicwaga. Iki gitero cyahitanye abantu 10 abandi 18 barakomereka.

Inkuru yabanje: https://rwandanews24.com/index.php/2019/10/05/musanze-kinigi-abantu-bitwaje-intwaro-bagabye-igitero-gihitana-bamwe-abandi-barakomereka/