December 1, 2021

Rwandanews24

Publishing Factual, verified and accurate stories

Ingabibre Victoire yahamagajwe na RIB ngo atange amakuru ku rupfu rwa Dusabimana

YASUWE 50 

Urwego rushinzwe Ubugenzacyaha (RIB), rwatangaje ko rwakiriye Umuyobozi w’ishyaka ritavuga rumwe n’ubutegetsi FDU-Inkingi, Ingabire Victoire Umuhoza, kuri uyu wa kabiri taliki ya 1 Ukwakira 2019 kugira atange amakuru yafasha mu iperereza ririmo gukorwa ku iyicwa rya Dusabumuremyi Syldio.
Urupfu rwa Dusabimana Syldio bivugwa ko ari umurwanashyaka wa FDU-Inkingi rwamenyekanye kuwa 24 Nzeli 2019, bivugwa ko yiciwe aho yakoraga muri kantine mu Kigo nderabuzima cya Shyogwe mu Karere ka Muhanga.
RIB yatangaje ko Ingabire yahamagajwe kugira ngo atange amakuru yafasha mu iperereza.

Ati “Ejo taliki ya 1/10/2019 Victoire Umuhoza yitabye ubugenzacyaha kugira ngo atange amakuru yafasha mu iperereza ririmo gukorwa ku iyicwa rya Dusabumuremyi Sylidio nk’uko amaze igihe abivuga mu itangazamakuru”.
Ingabire aherutse kuvugana n’ibinyamakuru birimo na BBC abibwira ko bigaragara ko abishe Dusabumuremyi ari abantu bigaragara ko batojwe kwicisha ibyuma.

RIB yatangaje ko mu iperereza ry’ibanze hafashwe abantu babiri bakekwa kugira uruhare muri ubwo bwicanyi. Iperereza rirakomeje kugira ngo hamenyekane abamwishe n’icyo bari bagambiriye.
Icyo gihe RIB yasabye umuntu wese waba afite amakuru yafasha iperereza kubakoze ubu bwicanyi ko yayatanga kuri station ya RIB imwegereye.