December 6, 2021

Rwandanews24

Publishing Factual, verified and accurate stories

Ruhango: Abayobozi barasabwa gukorera hamwe mu gukemura Ibibazo bikibangamiye imibereho myiza y’abaturage.

YASUWE 63 

Umuyobozi w’intara y’amajyepfo komiseri generale Gasana Emmanuel Yasabye inzego z’ubuyobozi butandukanye bw’akarere ka Ruhango gufatanyiriza hamwe mu gushaka ibisubizo by’ibibazo bikigaragara ko bibangamiye imibereho myiza y’abatishoboye n’iterambere ryabo.

Ibi bazo byagaragajwe n’ubuyobozi bw’inzego zitandukanye z’akarere ka Ruhango Munama mpuzabikorwa yahuje abayobozi ba karere kuva kubari munzego zohejuru kugeza ku bakuru b’imidugudu igize aka karere yabaye kuri uyu wa gatatu taliki ya 4 nzeri uyu mwaka wa 2019.

Nibyo umuyobozi w’intara y’amajyepfo aheraho agira ati ” Bigaragara ko mu byukuri kuba aka karere ka Ruhango kadatera imbere uko bikwiye, bishingiye kuba hakiri bamwe mu baturage batagira ubwiherero bw’ujuje ibisabwa, abakirarana n’amatungo, abadafite ubwisungane mu kwivuza, abatagira amacumbi, abana bafite ikibazo k’imirire mibi ndetse n’abana bata amashuri.

Kugirango ibyo byose mubashe kubibonera ibisubizo, guhera ku bayobozi bari mu inzego zoheju mu karere kugera ku bakuru b’imidugudu, murasabwa gufatana urunana, gufatanyiriza hamwe kuko nibyo bizabafasha kwihuta mu kugeza akarere ku iterambere n’abo muyobora muri rusange″.

Umuyobozi w’akarere ka Ruhango Habarurema Valens, avuga ko nkuko umuyobozi w’intara y’amajyepfo abasaba gukorera hamwe, kuri ubu ngo inzego zubuyobozi butandukanye bwa ka karere zatangiye gufatanyiriza hamwe mugushakira ibisubizo ibibazo bituma abaturage batagira imibereho myiza.

Mayor. Habarurema Valens

Mubindi uyu muyobozi w’intara y’amagepfo avuga ko bikwiye kunozwa kugirango umuturage agira imibereho myiza n’iterambere rirambye, bikaba ari uko abayobozi bo mu nzego zitandukanye z’akarere ka Ruhango basabwa gutahiriza umugozi umumwe mukurwanya ruswa ndetse n’ibindi bibazo bituma umuturage atagerwaho na service yifuza uko bikwiye.

J.Bosco MBONYUMUGENZI Rwandanews24.com/ Mu karere ka Ruhango