December 3, 2021

Rwandanews24

Publishing Factual, verified and accurate stories

Youtube yaciwe amande angana na miliyoni $170 kubera gukoresha amashusho y’abana bato itabisabiye uburenganzira ku babyeyi babo.

YASUWE 65 

Urubuga runyuzwaho ama Video atandukanye rwa Youtube rugenzurwa na kompanyi ya Google rumaze gucibwa amande angana miliyoni $170 kubera gushyira ku karubanda ubuzima bw’umwana muto rutabisabiye uburenganzira ku babyeyi be.

Kugeza ubu Google yamaze kwemera iki gihano nkuko itegeko rya Federal Trade Commission(FTC) ribigena.

Nkuko CNBC ibitangaza uru rubuga ruhanwe kubera gukusanya amashusho y’umwana uri munsi y’imyaka 13 agashyirwa ku karubanda ababyeyi be badasabwe uburenganzira.

Ibi byabaye kuri uyu wa gatatu taliki ya 4 Nzeri 2019 mu kirego cyari gikurikiranyweho Google ndetse na Youtube ku mpamvu zo kuba barinjije amafaranga menshi mu gukwirakwiza amashusho y’umwana muto batabiherewe uburenganzira n’ababyeyi be.

Federal Trade Commission ndetse n’urukiko rukuru rwa New York byemeje ko Google na Youtube bagomba gutanga miliyoni $170, arimo miliyoni $136 zizahabwa FTC ndetse na $34 Zigomba guhabwa Ubuyobozi bwa New York kubera kwandarika amabanga y’ubuzima bwite nta burenganzira.

Nibwo bwambere hacibwa amande angana gutya kuva iri tegeko rirengera ubuzima bwite bw’umwana kuri murandasi, (Children’s Online Privacy Protection Act (COPPA) ryatorwa n’inteko mu mwaka w’1998.

Ibi byemejwe hamaze kuba amatora aho muri batanu batanu babitoreye habonetse amajwi atatu kuri abiri, aya majwi abiri y’abo mu ishyaka ry’aba Democrate bavugaga ko babona ibyo atari ibyo gutuma Youtube ihanwa.

Amategeko ya COPPA avuga ko bigomba kwitonderwa mu gihe hagiye gukoreshwa ubuzima bwite bw’umwana muto uri munsi y’imyaka 13 nta bwumvikane bubaye hagati y’ikigo n’abamurera.

Ibi Youtube ikaba yarabirenzeho igakoreshaamashusho y’abana bato mu nyungu zayo ikinjiza amafaranga, nta biganiro byabaye hagati yayo nabo byarebaga.