December 1, 2021

Rwandanews24

Publishing Factual, verified and accurate stories

Ruhango: Mbuye 95 bataye ishuri bajya gucukura imicanga no gutonora imyumbati

YASUWE 90 

Ikibazo cy’abana bo mu murenge wa Mbuye bataye ishuri bakajya gutonora imyumbati no gucukura imicanga, ni ikibazo inzego z’ubuyobozi butandukanye bwa karere karuhango zirimo n’izumutekano zagarutseho kuri uyu wa 31 kanama 2019 nyuma yogusoza umuganda rusange w’ukwezi, wibanze ku igikorwa cyogusiza nogushyira ibuye ry’ifatizo ahazubakwa ibyumba by’amashuri 4 kukigo cy’amashuri abanza cya E.P Gishari kiri mu mudugudu wa gishari akagali kagisanga.

Mukiganiro N’abaturage nyuma yogusoza umuganda rusange, Christophe Nteziryayo Umujyanama muri jyanama y’akarere ka Ruhango uhagarariye umurenge wa mbuye, yakomoje ku abana 95 bose bo muri uyu murenge bataye ishuri bakajya gucukura imicanga no gutonora imyumbati.

Christophe Nteziryayo Umujyanama muri jyanama y’akarere ka Ruhango uhagarariye umurenge wa mbuye wambaye umupira wa lacoste y’amaboko mare mare amaze kuvuga ku ikibazo cy’abana bo muri mbuye bataye Ishuri.

Ati“Abana mirongocyenda n’abatanu bose bo muri uyu murenge wa Mbuye gusa bataye ishuri ni benshi cyane, kubaho batiga bibagiraho ingaruka zo kwishora mu ingeso mbi zirimo ubujura nokwiroha mu biyobyabwenge kandi bakiri bato.
Ababyeyi bo muri uyu murenge byumwihariko abafite abana bataye ishuri mukaba musabwa kuribagaruramo, kuko ni mutabikora mu minsi iri imbere bazaba umuzigo kurimwe ni gihugu muri rusange″.

Uku kuba muri uyu murenge hakigaragaramo abana bata Ishuri bakajya gukora imirimo itandukanye, Umuyobozi w’akarere ka Ruhango Habarurema Valens avuga ko ngo kuba ubuyobozi bw’aka karere bwariyemeje kongera umubare w’imbyumba by’amashuri abana bigiramo, ngo aba byeyi nabo basabwa kwirinda ko abana babo bata ishuri.

Meya w’akarere ka Ruhango Habarurema Valens ari gukangurira Ababyeyi bo mu murenge wa Mbuye kugarura mu ishuri abana baritaye

Ati“Turi kongera umubare w’ibyuma by’amashuri kugirango abana babanyarwanda babashe kubona aho bigira bisanzuye, mugihe rero haba hakomeje kugaragara abana bata ishuri, ayo mashuri twubaka nibande bazayigiramo? Ababyeyi rero nibombere nambere dusaba kugira uruhare rufatika mu kugarura abo bana mu ishuri nacyane ko ishuri ariryo rizabafasha kugira ubumenyi bwo gutegura neza inzira y’ubuzima bwabo bw’iza bwejo hazaza″.
Mu ibarura ryakozwe n’akarere ka Ruhango mu kwezi kwa Mata Umwaka wa 2019 ryagaragaje ko abana 1133 mu Karere kose aribo bari barataye Ishuri bakajya mu mirimo itandukanye.
Ni mugihe mukwezi kwa 6 uyu mwaka wa 2019 ubuyobozi bwaka karere bwavugaga ko bugiye gusubiza mu ishuri abana 549 muri aba bana 1133 bari baritaye, ibi bikazakorwa ngo hakoreshejwe uburyo bwo kwiyambaza inzego zitandukanye muri iki gikorwa.

BAMPORIKI Jean Claude rwandanews24.com/Mukarere ka Ruhango.