December 3, 2021

Rwandanews24

Publishing Factual, verified and accurate stories

Kubaho afite ibitsina 2 ni ingorane kuri Mary Waithera cyangwa James Karanja

YASUWE 106 

Igihe Mary Waithera cyangwa James Karanja bavukaga mu mwaka w’ 1991, abaganga bataye umutwe, bagira ubwoba bwo kugira  icyo babwira nyina.

Yavukanye ibitsina bibiri, igitsina cy ‘umugore n’igitsina cy’umugabo byose biri hamwe. Nyina ahora yibaza impamvu umwana we yavutse ameze gutyo.

Amaze kuvuka, Mary yamaze igihe cy’ibyumweru 3 mu bitaro barimo kugerageza gushaka igisubizo cy’icyo bamufasha ariko ntacyo babonye.

Iyo yabaye intangiriro y’urugendo rurerure rwa Mary Waithera cyangwa James Karanja agerageza kwisobanukirwa.  Ababyeyi be bafashe icyemezo cyo kumurera nk’umukobwa.

Navukanye ibyago

Mary Waithera canke James Karanja ati: “Navutse mfite ibyago nk’uko nabibwiwe  n’abambaga hafi. Nta n’umwe washoboye kumenya icyo ndi.

Ababyeyi banjye bamaze kumenya ko nari mfite ingorane, Data yafashe icyemezo, cyo  kundera nk’umukobwa.  Hagati aho, ubumuga bwanjye bwatumye ababyeyi banjye bahukana.

Data yaradutaye, avuga ko mu muryango wabo nta muntu wigeze avuka ameze nkanjye, ababuza no kunterura  kuko babonaga ko ndi umuvumo mu muryango. Ibyo byatumye nitwa izina ryo kwa nyogokuru  ubyara Mama.

Ababyeyi banjye bamaze kwahukana, Mama yarahungabanye  agira n’ibibazo by’ubuzima igihe yari arimo kundera wenyine.

Igihe cyose najyaga kuvoma amazi mu mu gishanga, nkayatwara ku rutugu, mu gihe abandi bakobwa bobo bayatwaraga ku mugongo.

Yarandeze nkura nk’umukobwa. Yanteguraga  kuzavamo  umugore mwiza.”

Karanja yibuka ko ari we “mukobwa” wenyine yagendesha ikigurudumu muri karitsiye yose.

Ku ishuri bashakaga ko nerekana ibikoresho byifashishwa n’abakobwa igihe bagiye mu mihango

Karanja ati: “Nyogokuru ubyara Mama yavugaga ko kugira ngo umukobwa ajye mu kwezi byasabaga ko yaragenyerewe” (ni umugenzo abanyakenya bakorera abakobwa).

Amaze kujya mu mashuri yisumbuye ku ishuri rikuru rya Kikambala, yibuka ko habaye ikintu kidasanzwe.

Ati: “Bashakaga ko mbereka ibikoresho byifashishwa umukobwa yagiye mu mihango.

Umwarimu  yavuze ko bataribunyakire kuri iryo shuli nterekanye utwo dukoresho. Abarimu bakomeje kunyita umuhungu.

Amaze kugera mu mwaka wa cyenda, yatangiye kubona umubiri uhinduka, ageze mu myaka yo gukura (ubugimbi cyangwa ubwangavu).

Ibitugu biraguka n’ijwi rirahinduka. Yakomeje kubyuka akajya yoga  mu ijoro riniha mbere y’uko abandi banyeshuri babyuka kugira ngo ntibamubone.

Abakobwa batangira kumukunda, bamwandikira n’utubaruwa  tutari duke n’ubwo ariwe wari uhagarariye ishuri ryabo mu kigo.

Abarimu  bamaze kubona ayo mabaruwa, baramwirukanye bamushinja ko arimo  gukwirakwiza  ingeso z’ abahuje ibitsina (ubutinganyi). Ati: “Iyo yabaye intangiriro yo kwisobanukirwa”.

Yagiye kwa muganga kugira ngo abaganga bamupime maze amenye icyo yaricyo.

Hashize igihe, Karanja yaje kwemererwa gukora ikizamini  cya leta kandi agira amanota meza yamuhaye uburenganzira bwo kujya muri kaminuza nk’uko yabitangarije daly nation.

Byaramushimishije  kuko yibazaga ko ingorane cyangwa se impungenge yari afite zigiye kurangira ubwo agiye muri kaminuza, ariko byabaye kwibeshya kuko siko byagenze.

Urugamba rwo kwimenyekanisha

Ku ishuri muri  kaminuza ya Nairobi, yangiwe kwinjira incuro nyinshi n’abanyezamu bamusaba gusobanura impamvu afite  izina ry’abagore, Mary Waithera, kandi agaragara  nk’umugabo.

Kimwe n’abarimu ba kaminuza iyo bageraga mu ishuri igihe cy’ibizamini, bahoraga bashaka kumenya impamvu afite izina ry’abagore kandi n’ibimuranga bikerekana ko ari umukobwa mu gihe we yagaragaraga nk’umugabo.

Ni kenshi yagiye yirukanwa cyangwa bakamubuza  gukora ibyo bizamini.

Kubera izo ngorane, Karanja yashatse kwiyahura incuro 3 zose. Avuga ko ukunenwa ariko kwamutumye ashaka gukora ibyo.

Hagati aho, Karanja yashatse ko amenyekana nk’umuntu ufite ibitsina byombi, ikiranga umugore n’ikiranga umugabo.

Kenya nicyo gihugu cya mbere muri Afrika  cyakoze ibarura hagamijwe kumenya abantu bafite ibitsina 2 cyangwa se aba bitwa abanyabibiri.

Mu gihugu cya Kenya, abantu bagera ku 700.000 nibo bazwi ko bafite ibitsina byompi.

Hagati aho, leta ntiremeza  iyo mibare bivugwa ko ariyo yagaragaye mu ibarura.

Umudepite  Milly Odhiambo avuga ati: “Abantu b’ibitsina byompi ntibaboneka mu gihugu. Amategeko ntabemera”.

Milly avuga ko kubona amategeko  adasanzwe abemera byatuma abo bantu  nta burenganzira na bumwe bagira mu gihu.

Leta ya Kenya kimwe n’ahandi ku isi isanzwe yandika abantu ko ari igitsina Gabo cyangwa igitsina Gore gusa.

Kenya nicyo gihugu cya mbere muri Afrika cyemeje abantu bafite ibitsina byompi muri mu ibarura  ry’uyu mwaka wa 2019.

Abana bavuka bafite ibitsina byompi bafatwa ko ari umuvumo ku muryango, bigatuma akenshi iyo bavuze batya bicwa mu bihugu bitari bicye bya Afrika.