November 27, 2021

Rwandanews24

Publishing Factual, verified and accurate stories

Dore ingingo 10 zigize amasezerano yasinywe hagati ya Perezida Kagame na Museveni

YASUWE 53 

Aya masezerano yashyiriweho umukono muri Angola kuri uyu wa gatatu taliki ya 21 Kanama 2019, mu nama yahuje abakuru b’ ibihugu igamije kunoza imikoranire no kubungabunga umutekano w’akarere.

Ni amasezerano agizwe n’ingingo 10 agaruka ku bibazo biri mu mubano w’u Rwanda na Uganda kuva mu 2017 kugeza ubu, birimo ibijyanye n’iyicarubozo rikorerwa Abanyarwanda ndetse n’imitwe y’iterabwoba ikorera muri iki gihugu cy’abaturanyi ishaka kugirira nabi u Rwanda.

Aragaruka ku byemeranyijweho n’abakuru b’ibihugu by’u Rwanda, Uganda mu biganiro byanitabiriwe n’uwa Angola, João Lourenço na Félix Tshisekedi wa Repubulika Iharanira Demokarasi ya Congo ku wa 12 Nyakanga 2019.

Ibikubiye muri ayo masezerano ingingo ku yindi

  1. Impande zombi ziyemeje:
  2. a) Kubaha ubusugire bwa buri wese n’ubw’igihugu cy’igituranyi.
  3. b) Guhagarika ibikorwa bigamije guhungabanya urundi ruhande n’ibihugu by’ibituranyi ndetse n’ibyo gutera inkunga, guha imyitozo no kwinjiza abarwanyi mu mitwe igamije guhungabanya umutekano.
  4. c) Kurinda no kubaha uburenganzira n’ubwisanzure bw’abaturage b’urundi ruhande batuye cyangwa banyura ku butaka bw’icyo gihugu, mu buryo bwemewe n’amategeko yacyo.
  5. d) Gusubukura bwangu ibikorwa byambukiranya imipaka hagati y’ibihugu byombi birimo urujya n’uruza rw’abantu n’ibintu, hagamijwe iterambere n’imibereho myiza y’abaturage babyo.
  6. e) Guteza imbere, bijyanye n’imitekerereze iganisha ku ishema rya Afurika n’ukwihuza kw’akarere, imikoranire iboneye mu ngeri zirimo politiki, umutekano, ingabo, ubucuruzi, umuco, ishoramari, binyuze mu gushyigikirana.
  7. f) Gushyiraho Komisiyo ihuriweho n’impande zombi igamije gushyira mu bikorwa ibikubiye muri aya masezerano y’imikoranire; ikuriwe na ba Minisitiri b’Ububanyi n’Amahanga kandi irimo abaminisitiri bashinzwe umutekano n’abakuriye inzego z’ubutasi mu bihugu byombi.
  8. g) Kumenyesha buri gihe abagize uruhare mu gufasha mu biganiro byaganishije kuri aya masezerano ibijyanye n’ishyirwa mu bikorwa ryayo.
  9. Mu gusinya aya masezerano, buri ruhande ruzi neza ko ruzabibazwa mu gihe habayeho kutayubahiriza.
  10. Ukutumvikana ku bijyanye no gushyira mu bikorwa aya masezerano, kuzakemurwa n’ibiganiro hagati y’impande zombi cyangwa binyuze mu bufasha bw’abafashije mu biganiro biyashyiraho.    Aya masezerano aratangira gushyirwa mu bikorwa akimara gushyirwaho umukono.