December 3, 2021

Rwandanews24

Publishing Factual, verified and accurate stories

Uganda: Ikamyo itwara risansi yahiye irakongoka 18 bahasiga ubuzima

YASUWE 70 

Igipolisi mu burengerazuba bwa Uganda cyatangaje ko abantu 18 basize ubuzima mu mpanuaka y’ikamyo itwara itwara risansi, ubwo yataga umuhanda  ikagongana n’izindi modoka 4, igahita iturika.

Iryo sanganya ryabaye ejo ku cyumweru taliki ya 18 Kanama 2019 mu mujyi wa Kyambura ryanasenye amaduka arenga 20, afashwe n’umuriro watewe n’iyo nkongi ya risansi.

Igipolisi cyasabye ababuze ababo gutanga ibipimo ndangamuntu, ADN, kugira bashobora kumenya  imirambo  y’ababo nk’uko igipolisi cyabitangarije Chimpreport.

Aho ni mu gihe hari imirambo  bigoye kumenyekana kubera yahiye ku buryo bw’ikirenga.

Iyi mpanuka ibaye nyuma y’iminsi 8  imodoka itwara risansi  ikoze impanuka muri Tanzaniya, igaturika igahitana abantu bagera kuri 85, ndetse n’indi nayo yagurumanye mu Burengerazuba bw’ u Rwanda mu karere ka Nyamasheke, ariko yo hakaba nta muntu wahasize ubuzima.

Benshi mu bapfuye muri iyi mpanuka yabereye muri tanzaniya ni abari baje kugerageza kuvoma risansi muri iyo modoka.

Uku niko impanuza z’imodoka zitwara risansi muri Afrika zihagaze