December 6, 2021

Rwandanews24

Publishing Factual, verified and accurate stories

DRC: Nyuma y’amezi 7 y’ibiganiro Fcc ya Kabila yemerewe Minisiteri y’ingabo, na Minisiteri y’ubucukuzi bw’amabuye ya gaciro

YASUWE 66 

Inkuru y’uko Leta ihuriyeho n’impande zombi igiye gushingwa, yamenyekanye mu ijoro ryo kuri uyu wa mbere taliki ya 29 Nyakanga 2019 kuri tereviziyo y’igihugu.

Abavugira ihuriro ry’amashyaka ashigikiye FCC ry’uwahoze ayobora igihugu Joseph Kabila, n’irya perezida Tshisekezi CASH, nibo babitangaje nyuma y’ubwumvikane bwabaye hagati y’izo mpande ku munsi wa gatanu taliki ya 26 Nyakanga 2019.

Leta izaba igizwe n’abaminisitiri 48 n’abanyamabanga ba leta 17

Muri abo harimo Minisitiri w’Intebe Sylvestre Ilunga Ilunkamba, watanzwe n’uruhande rwa Kabila.

Uruhande rwa Fcc ya Kabila ruzaba rufite imyanya 42, nkuko amasezerano bagiranye abivuga uruhande rwa Fcc ruzahabwa Minisiteri y’ingabo, iy’ubucukuzi bwa mabuye ya gaciro na Minisiteri y’imari, naho uruhande rwa Cash ruzahabwa imyanya 23 harimo Minisiteri y’ingengo y’imari, Minisiteri y’ububanyinamahanga ndetse na Minisiteri y’umutekano imbere mu gihugu

Abazajya muri iyo myanya ariko ntibaramenyekana.

Leta igiye gushingwa hashize amazi 7 yose amatora yatsinzwe n’ishyaka CASH arangiye.

Abenshi bibabjije ibibazo ku byavuye muri ayo matora, mu gihe Tshisekedi yanugwanugwa ko yaba yaragiranye amasezerano yo gusangira ubutegetsi na Kabila, mbere y’uko ayo matora aba.