November 27, 2021

Rwandanews24

Publishing Factual, verified and accurate stories

Ingabo za Congo zaguye mu mutego ukomeye w’inyeshyamba

YASUWE 80 

Ingabo za RDC zaguye mu mutego w’inyeshyamba kuwa Gatatu taliki ya 17 Nyakanga 2019 bituma benshi bahasiga ubuzima nubwo ubuyobozi bw’ingabo bwanze gutangaza umubare w’abapfuye.

Kuwa Gatatu w’iki Cyumweru taliki ya 17 Nyakanga 2019, nibwo inyeshyamba zatunguye ingabo za FARDC zari zikambitse ahitwa Mont Bleu ku muhanda werekeza ku kiyaga cya Albert.

Imbunda ziremereye nizo zakoreshejwe muri iyi mirwano ikomeye yahuje FARDC n’inyeshyamba mu mujyi witwa  Agu uherereye mu murenge witwa Walendu Pitsi muri Djugu.

Mu kiganiro umuvugizi w’ingabo za RDC muri Ituri witwa Lieutenant Jules Ngongo yahaye Radio Okapi kuwa Kane taliki ya 18 Nyakanga 2019, yavuze ko nta byinshi yatangaza kuri iyi mirwano haba n’abaguye mu rugamba. Abaturage bavuze ko ingabo 12 arizo zasize ubuzima muri iyi mirwano ku mpande zombi.

Inyeshyamba zishyize hamwe zitega ingabo za Congo benshi bahasiga ubuzima

Nk’uko byatangajwe na bamwe bo mu nzego za gisirikare, ,itsinda ry’abasirikare ba FARDC bavaga ku kiyaga cya Albert berekeza ahitwa Jiba baguye mu mutego w’inyeshyamba zari zitwaje intwaro ziremereye mu gace kitwa Jailo,bararasana karahava.

Habaye kurasana ku mpande zombi,bituma iyi mirwano igeza mu gitondo cyo kuwa Kane taliki ya 18 Nyakanga 2019 rwabuze gica aho amakuru avuga ko abasirikare benshi bapfuye,  gusa ntabwo Radio Okapi yabashije kumenya umubare ndetse n’amazina yabo.