December 1, 2021

Rwandanews24

Publishing Factual, verified and accurate stories

Facebook ishobora gucibwa amande ahambaye agera kuri Miliyari 5 z’amadorali

YASUWE 60 

Ikigo gishinzwe ubugenzuzi bw’ibijyanye n’ubucuruzi mu Leta Zunze Ubumwe za Amerika(FTC) kemeje cyahanishije urubuga rwa Facebook amande angana na Miliya 5 z’amadolari kubera kwinjira mu mabanga y’abantu, nkuko bigarukwaho cyane n’ibinyamakuru byinshi bya hariya muri Amerika.

Icyo kigo FTC kimaze igihe gikora iperereza ku birego bivugwa ko ikigo cyitwa Combridge Analytica cyabonye amakuru ku bantu barenga miliyoni 87 mu buryo butemewe n’amategeko.

Facebook na FTC byabwiye BBC dukesha aya makuru ko ntacyo ntakintu bifite cyo gutangaza kuri ayo makuru.

Wakwibaza uti ubundi ibi bintu byaje bite?

Iki kigo cyitwa FTC cyatangiye iperereza kuri Facebook kuva mu kwezi kwa gatatu k’umwaka ushize wa 2018, nyuma yuko cyumvise inkuru ivuga ko ikigo cyitwa combridge analytica cyahawe amakuru y’abantu ibihumbi n’ibihumbi basanzwe bakoresha Facebook.

Iryo perereza ryibanze cyane kukureba niba Facebook yararenze ku masezerano yo mu mwaka wa 2011 ayitegeka kubanza kumenyesha neza abakiriya bayo hanyuma ikabona ububasha bwo gutanga amakuru.

Ikinyamakuru The New York Times kandi  kivuga ko inkoramutima z’ishyaka ry’aba Democrates zisaba ko hashyirwaho ingingo ntarengwa kuri icyo kigo cya Facebook, mugihe kandi abandi bavuga ko ibyo bihano byayigenewe bidahwanye cyakozwe.

Umu Senateri witwa Mark Warner yagize ati:”Niba FTC idashoboye cyangwa idafite ubushake bwo bwo gushyiraho amategeko ahamye yo kurinda amabanga y’abantu, nicyo gihe ngo inteko ishinga amategeko ihaguruke.

Amakuru aravuga ko ayo mande yavuzwe azabanza kwemezwa n’akanama kabishinzwe nubwo hatazwi igihe bishobora kuzatwara. Iki gihano kiramutse cyemejwe, aya yaba ariyo mande menshi abayeho iki kigo FTC kizaba giciye iki kigo cya Facebook.

Nkuko bitangazwa n’umunyamakuru wa BBC hariya muri Amerika biravugwa ko Facebook ibi bintu nubundi yari isa nkaho ibyiteze kuko mu kwezi kwa kane yari yabwiye abanyamigabane bayo bose ko ayo mafaranga hafi ya yose  yayashyize ku ruhande akazifashishwa igihe haba havutse ikibazo nk’icyo, byumvikana rero ko gucibwa aya mafaranga nubundi ntacyo bizahindura cyane ku mikorere yayo isanzwe.

Aya mafaranga bivugwa ko Facebook ishobora gucibwa arangana hafi na kimwe cya kane cy’inyungu yinjiza mu gihe kingana n’umwaka.