December 3, 2021

Rwandanews24

Publishing Factual, verified and accurate stories

RCS yanyomoje Ijwi rya Amerika

YASUWE 63 

Urwego rw’Igihugu rushinzwe infungwa n’abagororwa mu Rwanda, ruratangaza ko nta myigaragambyo yabaye kuri gereza ya mageragere iherereye mu karere ka Nyarugenge ho mu mujyi wa Kigali nk’uko byatangajwe na radio Ijwi rya Amerika.

Aya makuru yanyuze kuri iyi radio mpuzamahanga ya Abanyamerika kuri uyu wa kabiri taliki ya 9 Nyakanga 2019, yavugaga ko abanyururu bakoze imyigaragambyo kuwa mbere taliki ya 8 Nyakanga 2019, ngo bitewe n’ubuyobozi bubi bw’ iyi gereza.

Umunyamakuru w’ijwi rya Amerika Aloys Bigirimana, avugana n’umuntu w’igitsina gabo yavuze ko ari umunyururu, ariko kubera impamvu z’umutekano we imyirondoro ye ikaba itatangajwe, yatangiye amubaza impamvu bigaragambije. Mu magambo ye yagize ati: “ ni ukubera umuyobozi mushya wa gereza baduhaye witwa Kayumba. Uyu muyobozi asohora abantu akabakubita amaferabeto, kuburyo abantu bamenetse amavi kubera inkoni”.

Uyu bivugwa ko ari ari umunyururu, yakomeje avuga ko uyu muyobozi mushya Kayumba yabujije anyururu kwivuza, aho yamugereranyije ngo n’uwahoze ayobora gereza ya Gisenyi atavuze mu mazina, nawe go nwakubitaga abanyururu.

Abajijwe niba hari  impamvu izwi  uyu muyobozi yaba akora ibi, yasubije ko uyu muyobozi atumvikana n’abandi bayobozi bafatanyije kuyobora iyi gereza. Ubu nta buyobozi buriho, abashinzwe umutekano bose babasohoye na gereza bayifunze ndetse ko hanarashwe amasasu 2.

Ku ruhande rw’urwego rw’igihugu rushinzwe imfungwa n’abagororwa, rwashyize itangazo ku rukuta rwayo rwa Tweeter runyomoza aya makuru ko nta myigaragambyo yabaye, ahubwo ko icyabaye ari ibikorwa by’umutekano bigamije  gufata abagize agatsiko kigometse ku mategeko ya Gereza.

 

Iri niryo tangazo rya RCS: RCS Rwanda (@RCS_Rwanda) tweeted at 4:09 PM on Tue, Jul 09, 2019:
Uyu munsi: Kuri Gereza ya Nyarugenge/Mageragere nta myigaragabyo yahabaye nkuko byari byatangajwe na Radio ijwi Amerika. Icyakora habaye ibikorwa by’umutekano bigamije  gufata abagize agatsiko kigometse ku mategeko ya Gereza.