November 27, 2021

Rwandanews24

Publishing Factual, verified and accurate stories

Gasabo: Umugabo ngo yacuranze radio cyane yica umugore we arangije yijyana kuri Polisi

YASUWE 62 

Mu Karere ka Gasabo mu Murenge wa Gatsata, Mudugudu wa Muremera, Akagari ka Karuruma  umugabo witwa Hategekomana Thomas akaba yishe umugore we, Uwamariya Jacqueline bari bafitanye umwana w’umuhungu w’imyaka 7 ajya kwirega kuri Polisi bamwambika amapingu bamujyana kuri RIB kumufunga.

Amakuru avuga ko uriya mugabo bikekwa ko yishe umugore we mu masaha ya saa tanu z’igicuku kuri uyu wa gatatu taliki ya 27 Mutarama 2021, ngo akaba yabanje gucuranga radio cyane.

Hategekimana akimara kwica umugore we yagiye kwirega kuri Polisi ya Kimisagara, bagiye kugenzura bazanga umurambo w’umugore mu nzu, umugabo bamwambika amapingu bamushyikiriza RIB ya Gatsata.

Kavuna Jeanine ushinzwe amajyambere mu Mudugudu wa Muremera yabwiye BTN TV ko aba bantu babanaga batagaragaza amakimbirane cyane.

Ati “Ni kumwe abantu baba babana bucecetse ariko utazi ngo bafitanye ibihe bibazo cyane ko nta gihe kinini bari bamaze mu Mudugudu wacu, natwe urupfu rw’uriya mugore rwadutunguye.”

Kwica umuntu wabigambiriye, ni icyaha gihanwa n’amategeko mu Rwanda, kikaba gihanishwa igifungo cya Burundu.