November 27, 2021

Rwandanews24

Publishing Factual, verified and accurate stories

Yiyahuye asigaje igihe gito abyare kubera gufuhira umugabo we

YASUWE 72 

Umugore utwite inda yimvutsi yiyahuye akoresheje igitenge cya Kanga ubwo yimanikaga ku giti cy’umwembe mu cyaro cyahitwa Itununu mu gace ka Serengeti ho muri Tanzania kubera gufuhira umugabo we.
Umuyobozi wa Serengeti Nurdin Babu, Yemeje amakuru yuko Mkami Nyamhanga w’imyaka 21 yiyahuye kuwa 17 Mutarama yimanitse mu giti cy’umwembe mu murima uri hafi y’urugo rwe.


Yavuze ko amakuru y’uru rupfu bayabwiwe n’abana bari bagiye kurangura imyembe yo gucuruza kuri icyo giti,
Sekuru wa nyakwigendera yatangaje ko Umwuzukuru we yahoraga avuga ko umugabo we amuca inyuma kuko ngo yaramaze kumenya amakuru yuko Umugabo we afite undi mugore.
Yakomeje avuga ko mugitondo umwuzukuru we yavuye mu rugo adasezeye batazi aho aherereye kugeza ubwo byamenyekanaga ko yiyahuye akoresheje igitenge cya kanga yahambiriye ku ishami ry’igiti cy’umwembe.
Muganga wapimye umubiri wa nyakwigendera yavuze ko, yazize kubura umwuka kandi amaraso atatemberaga ngo agere ku mutima. Umubiri we wahise uhabwa umuryango we kugirango ushyingurwe kugeza ubu nta muntu urafatwa ngo abazwe iby’uru rupfu gusa iperereza rirakomeje.

Umubyaza w’Ikigo Nderabuzima cya Itununu, yatangarije Mwananci ko uyu mugore yaratwite inda yarigiye kugeza amezi icyenda. Yakomeje avuga ko n’umwana yahise apfira mu nda kuko nawe yahise abura umwuka wo guhumeka kubera ko Mama we yaramaze kwiyica.
Uyu mubyaza yakomeje avuga ko iyo umugore utwite y’itabye Imana baramubaga bakamutandukanya n’umwana bagashyingura umubyeyi ukwe n’umwana nawe ukwe gusa avuga ko hari umugenzo gakondo w’abatuye ako gace wo gutandukanya umubyeyi na Nyina mbere yo kubashyingura.
Amakuru Mwananchi yamenye nuko icyo gikorwa cyo kubatandukanya cyabayeho gikorerwa mu rugo rwa Nyakwigendera basanga yaratwite umwana w’umukobwa, imibiri yabo bombi yashizwe mu isanduku imwe kandi ishyingurwa mu mva imwe nkuko byahamijwe n’umuyobozi w’ako gace byabereyemo.