December 6, 2021

Rwandanews24

Publishing Factual, verified and accurate stories

U Rwanda twabonye inkingo Miliyoni 1 zo gukingira covid19- Dr Nsanzimana

YASUWE 116 

Umuyobozi w’ikigo kita ku buzima RBC Dr Nsanzimana Sabin yatangaje ko u Rwanda rwabonye inking zigera kuri Miliyoni zo gukingira covid19, zikaba zitegerejwe I Kigali.

Yavuga ko u Rwanda rutiteguye kwakira inkingo gusa, ko ruzahita runatangira kuzitanga. Yavuze ko u Rwanda rwakomanze ahantu hatandukanye rushaka ziriya nkingo, ariko ngo izo ruzagura ni izemewe n’Ishami ry’Umuryango w’Abibumbye ryita ku Buzima (OMS/WHO).

Ati “Twatumije inkingo zihutirwa miliyoni imwe turazitegereje igihe icyo ari cyo cyose, twizeye ko muri Gashyantare 2021 cyangwa mbere yaho tuzaba dufite inkingo za mbere.”

U Rwanda rurateganya ko mu myaka ibiri ruzaba rwakingiye abarenga 60% by’abaturarwanda ku gihugu gituwe na miliyoni 12.4.

Umuyobozi wa RBC avuga ko bakorana n’ihuriro COVAX ririmo ikigo gikora inkingo cya Gavi, n’ihuriro rigamijwe guhora ryiteguriye Ibyorezo (Coalition for Epidemic Preparedness Innovations, CEPI) n’Ishami ry’Umuryango w’Abibumbye ryita ku buzima, kuko bifasha ko inkingo zigera ku bihugu n’u Rwanda rurimo zihendutse.

Avuga ko u Rwanda rushaka guhabwa inkingo zihutirwa zigera kuri miliyoni imwe binyuze muri ririya huriro rya Covax.

Umuyobozi wa RBC Dr Nsanzimana Sabin mu kiganiro yagiranye na The New Times dukesha iyi nkuru yagize ati: “Binyuze muri bo twabonye inkingo miliyoni imwe zakozwe na Pfizer, turashakisha izindi nkingo mu bigo bizikora bikorana n’ihuriro rya Covax.”

Yavuze ko inkingo zizaboneka mu byiciro, ziriya miliyoni imwe ngo ni iz’icyiciro kitwa “izihutirwa”.

Izi nkingo zizaterwa mbere na mbere abakora mu by’Ubuzima, abantu bari mu zabukuru n’abafite indwara zidakira badafite abasirikare bahagije. Covid-19 imaze guhitana abagera ku 161 mu Rwanda.