December 3, 2021

Rwandanews24

Publishing Factual, verified and accurate stories

Mu Rwanda abantu 9 bishwe na covid19 abagera kuri 310 barayandura

YASUWE 56 

Kuri uyu wa Kane taliki ya 21 Mutarama 2021, Minisiteri y’Ubuzima yatangaje ko habonetse abarwayi bashya 310 banduye icyorezo cya COVID-19 batumye umubare w’abamaze gutahurwaho icyo cyorezo ugera ku 12,170 barimo abakirwaye 4,035; hakize 161 n’abamaze kubura ubuzima 152 barimo icyenda bapfuye mu masaha 24 ashize.

Abapfuye ni abagore bane barimo umwe w’imyaka 80 w’i Karongi na batatu bafite imyaka  61, 4332 b’i Kigali n’abagabo batanu barimo uw’imyaka 86 w’i Huye; ab’imyaka 757372 b’i Kigali n’umwe w’imyaka 58 w’i Rubavu. Minisiteri y’Ubuzima yihanganishije imiryango y’ababuze ababo kubera COVID-19.

Abarwayi bashya babonetse barimo abo mu Mujyi wa Kigali: 85, Gatsibo: 57, Ngoma: 41, Gicumbi: 27, Huye: 18, Rulindo: 11, Karongi: 11, Musanze: 10, Nyagatare: 9, Gisagara: 7, Nyanza: 6, Kirehe: 6. Burera: 5, Rubavu: 5, Muhanga: 3, Rusizi: 2, Kamonyi: 2, Nyamagabe: 2, Ruhango: 2, Nyamasheke: 1.

Kuri uyu wa kane abantu 161 bituma umubare w’abamaze gukira uba 7,973 bangana na 65.5 % by’abamaze gutahurwaho icyo cyorezo mu Rwanda, ahamaze gufatwa ibipimo 812,943 birimo 4,359 byafashwe uyu munsi. Ijanisha ku bandura ni 7,1%.

Kuva mu ntangiriro z’ukwezi k’Ukuboza 2020 hagiye hagaragara imibare idasanzwe y’abandura ndetse n’abahitanwa na COVID-19, Inzego z’ubuzima zikaba zemeza ko icyo cyorezo kimaze kugira ubukana buteye inkeke mu Gihugu hose.

Abaturage barasabwa kutirara kuko icyorezo kigihari ndetse bigaragara ko imibare y’abandura ku munsi yikubye inshuro ebyiri iy’abapfa n’abarembye yikuba inshuro enye.

Kuri ubu mu Rwanda ingendo zirabujijwe guhera saa kumi n’ebyiri za nimugoroba kugeza saa kumi za mugitondo, Umujyi wa Kigali washyizwe muri gahunda ya Guma mu rugo, ingendo zihuza Uturere dutandukanye zikaba zibujijwe ndetse n’izihuza Uturere n’Umujyi wa Kigali zirabujijwe, keretse gusa ku mpamvu za serivisi z’ubuzima cyangwa izindi z’ingenzi.

Abaturarwanda barasabwa kwitwararika no kubahiriza amabwiriza yo kwirinda ari yo gusiga intera ya metero, kwambara udupfukamunwa no gukaraba intoki kenshi bakoresheje amazi meza n’isabune cyangwa alukoro yabugenewe.