December 3, 2021

Rwandanews24

Publishing Factual, verified and accurate stories

Ubudage:Umuganga yakatiwe igifungo cya burundu amaze kwica abarwayi 85

YASUWE 81 

Nyuma yo guhamwa n’icyaha cy’ubwicanyi yishe abarwayi 85, Niels Högel urukiko rwamukatiye igifungo cya burundu, ubu bwicanyi akaba yarabukoreye ku bitaro 2 biherereye mu burengerazuba bw’ Ubudage.

Niels Högel yari asanzwe apfunzwe ubuzima bwose ku cyaha cyo kwica abantu abahaye umuti wica ku ndwara y’umutima hagati y’imyaka ya 1999 na 2005. Azwi nk’umwicanyi ukomeye w’igihe cya none mu gihugu cy’Ubudagi.

Abanyamategeko bavuga ko yishe abo barwayi afite intego yo kwiyemera kuri bagenzi be mu kugerageza guhembura abarwayi.

Umwe mubo bakorana yabwiye ikinyamakuru cy’Ubudage Bild ko Högel ko bari bamuramuhimbye “Rambo wo kuzura abantu” bivuye ku kuntu “yigiza abandi kure” mu gihe yabaga armko agerageza guhembura.

Muganga Niels Högel yishe abarwayi 85

Ku munsi wa nyuma w’urubanza rwe, Högel afite imyaka 42 y’amavuko, yasabye ko imiryango yahekuye abayo yamugirira imbabazi “ku vbaha bye by’agahomamunwa”.

Yagize ati: “Ndashaka n’ukuri kubasaba imbabazi kuri ibyo byose nabakoreye muri iyo myaka yose”.

 

Högel yarakurikiranyweho ko yishe abarwayi 100 mu bice bya Delmenhorst na Oldenburg mu Burengerazuba. Igipolisi cyibaza ko yoba yarishe n’abarenga abo kuko iterurwa ry’imirambo ryatumye ibimenyetso bizimangana.

Ibitangazamakuru byo mu Budagi bivuga ko Högel yemeye ko yishe 55, ariko Urukiko rwa Oldenburg rwamushinjije 85.

Mu gihe yari arimo asoma urwo rubanza, umucamanza Buehrmann yavuze ko ababajwe n’uko Urukiko rutashoboye “kumara amakenga” imiryango myinshi yahekuwe.

Urwo rubanza rwababaje Abadage cyane cyane kubera abategetsi b’ayo mavuriro bashinjwa ko ntacyo bakoze ku mibare y’abapfa ubwicanyi nk’ ubu bwakomeza kwiyongera.

Ubwo bwicanyi bwa Högel bwagiye guhagarikwa igihe yafatwa mpiri, arimo ahereza umurwayi umuti atari yandikiwe mu mwaka wa 2005 i Delmenhorst.