December 1, 2021

Rwandanews24

Publishing Factual, verified and accurate stories

Amerika-Virginia: Abantu 12 baguye mu gitero cy’umwiyahuzi

YASUWE 76 

Kumugoroba wo kuri uyu wa gatanu taliki ya 31 Gicurasi 2019, umwiyahuzi ygabye igitero ku nyubako ya leta iherereye mu karere ka Virginia Beach gihitana abantu 12, barimo n’umupolisi abandi barakomereka.

Uyu mwiyahuzi wagabye iki gitero, ubuyobozi bwatangaje ko ari umukozi wo mu karere ka Virginia Beach akaba nawe yahasize ubuzima ubwo yageragezaga kurasana n’ abashinzwe umutekano. Abagera kuri 4 nibo bakomerekeye muri iki gitero harimo n’ ushinzwe umutekano.

Iki gitero cyabaye ku isaha ya saa kumi z’umugoroba, ku nyubako y’ibiro bya Virginia Beach, akarere gasanzwe karimwo amazu mmenshi ya leta. Polisi yahise ifunga inzira yinjira muri iyo nyubako abakozi nabo barahungishwa.

Megan Banton, umukozi wo muri iyo nyubako, yabwiye televiziyo yo muri ako karere, WAVY, ati: “Twumvise abantu bavuza induru babwira abantu kuryama hasi”.

Aba ni bamwe mubo Polisi yahungishaga

Umwe mu bahazise ubuzima yarasiwe mu modoka yari iri hanze, mu gihe abandi barasiwe muri iyo nyubako.

Umukuru wa Polisi muri ako karere,  Bwana James Cervera, avuga ko abapolisi bane binjiye muri iyo nyubako bahura n’uyo muntu, “bahita barasana n’ uwo mwiyahuzi”, akaba yahise anahasiga ubuzima.

Yagize ati: “Nabamenyesha ko mu gihe barwanaga, abapolisi bashoboye kubuza uyu muntu gukomeza kwica abantu muri iyo nzu”.

Igipolisi kikaba cyamusanganye imbunda nini hamwe n’indi ntoya (pistolet), zizwi ko ari zo zakoreshejwe muri icyo gitero.

Ikigo gishinzwe kubika amakuru ajyanye n’ibyaha birimo ibyitwaje intwaro, cyavuze ko hakoreshejwe imbunda, Gun Violence Archive, cyatangaje ko iki gitero kiaye icy’ 150 muri Amerika kuva uyu  mwaka wa 2019 watangira.

Ikigo gishinzwe iperereza muri Amerika FBI cyageze aho iki gitero cyabereye mu rwego rwo gufasha ubuyobozi bwo muri aka karere ka Virginia Beach gukora iperereza.