December 3, 2021

Rwandanews24

Publishing Factual, verified and accurate stories

Umugabo witwa Uwikomejekumana Noah ufite ubumuga bwo kutabona ngo afite umushinga w’amashanyarazi uzacanira u Rwanda rwose rugasagura no hanze adakoresheje urugomero

YASUWE 61 

Mu gihe Leta y’u Rwanda ifite intego y’uko muri 2024 uzasiga Abanyarwanda bose 100%, baza bagerwaho n’umuriro w’amashanyarazi, uwitwa Uwikomejekumana Noah ufite ubumuga bwo kutaboba aravuga ko afite umushinga wo gukwirakwiza amashanyarazi azacanira igihugu cyose, kikanasagurira ibindi bihugu.
Uwikomejekumana Noah ni umugabo wubatse, ufite ubumuga bwo kutabona, ngo yagize kuva afite imyaka 6. Yasoje amasomo mu kigo cya HVP Gatagara, Mu karere ka Nyanza.
Aganira n’umunyamakuru ku mibereho ye, yahishuye ko afite umushinga wo gukwirakwiza amashanyarazi azacanira igihugu cyose n’amahanga, adakoresheje urugomero.
Yagize ati”mfite igitekerezo cyo gukora umuriro w’amashanyarazi kandi ukazaba ari mwinshi cyane kuko u Rwanda rurawukeneye kuburyo ruzajya runawucuruza hanze kandi sinzakenera urugomero ndetse sinzangiza n’ibidukikije kandi uzaba ari mwiza, ibintu byose byararangiye usibye ibikoresho bike nkibura ndetse naho kuzakorera, umfasha we ndamufite ni umunyeshuri uri kwiga ibintu by’ikoranabuhanga.”
Mu gushaka kumenya niba hari icyo bene nk’aba bafite imishimga yateza igihugu imbere mu rwego rw’ingufu hari icyo bateganyiriza, twavuganye n’umuyobozi ushinzwe kubaka inganda n’imiyoboro minini y’amashanyarazi mu kigo cy’igihigu cy’ingufu mu rwanda, Engeniyeri Donati Haririmana, avuga ko ari ubwambere abyumvishe ariko avuga ko biteguye kumuha ubufasha bwose , icyo asabwa ari ukubamenyesha uwo mushinga.
Yagize ati”n’ubwambere mbyumvise ko hari umuntu ushaka kuzana amashanyarazi ntaruganda yubatse ariko bibaye bimushobokeye byaba ari byiza natwe twamuha ubufasha yakenera haba aria ho gukorera ubushakashatsi cyangwa ibitekerezo.”
Imibare igaragza ko Nyuma ya Jenoside yakorewe Abatutsi mu 1994, abaturage bagerwagaho n’amashanyarazi bari 1%. Mu 2010 ho, bari bawufite bari bageze ku 10%.
Leta y’u Rwanda ifite intego y’uko kugera mu mwaka wa 2024 Abanyarwanda bose 100%, bazaba bagerwaho n’umuriro w’amashanyarazi, mugihe kuri ubu abawufite bagera kuri 53%.