November 27, 2021

Rwandanews24

Publishing Factual, verified and accurate stories

Ubucuruzi bw’ amafaranga burimo amanyanga bwatumye atabwa muri yombi

YASUWE 78 

Mugitondo cyo kuri uyu wa gatanu taliki ya 31 Gicurasi 2019, nibwo hamenyekanye amakuru y’ itabwa muri yombi ry’ umuyobozi wa Supermarketings Global Ltd ikora ubucuruzi bw’amafaranga burimo uburiganya (Cripto-Currency scam, mugihe yasabye RDB icyangombwa cyo gushora imari mu burezi.

 

Ibi byatangajwe kuri uyu wa Gatanu ku rubuga rwa Twitter rwa RIB, nyuma y’uko inzego zitandukanye cyane cyane Banki Nkuru y’u Rwanda bari bamaze igihe baburira abanyarwanda babasaba kwitondera gushora imari yabo muri ubwo bucuruzi.

RIB irasaba abaturarwanda kwirinda ababashora mu bucuruzi bugamije kubambura imitungo yabo bababeshya inyungu nyinshi mu gihe gito. Iperereza rirakomeje kugira ngo n’abandi bose bari mu bucuruzi nk’ubu butemewe bakurikiranwe.

Yatawe muri yombi azira gucuruza amafaranga binyuranije n’amategeko

Bamwe mu bari barashyize amafaranga yabo muri ubu bucuruzi bwa SuperMarketing, ni uko kugeza ubu bitanakunda ko binjira (Log in) muri konti zabo ngo barebe uko bihagaze.

Banki Nkuru y’u Rwanda yari yagaragaje ko ubu bucuruzi butemewe kandi nta hantu na hamwe bugenzurwa ku isi, bityo igasaba abantu kubwirinda kuko burimo uburiganya. Ni ubucuruzi abantu benshi bari barimo kwitabira cyane bavuga ko bwunguka cyane kandi ko uwashoyemo amafaranga ashobora kunguka inshuro eshatu z’ayo yashoze ntacyo yakoze kindi.

 

Iki nicyo cyangombwa yahawe na RDB

Urupapuro dufitiye kopi rugaragaza iyandikwa ry’iyi kompanyi ya Supermarketings Global Ltd muri RDB, rwerekana ko mu bikorwa yagombaga gukora harimo ibijyanye n’uburezi aho kuba ibi bijyanye n’ishoramari n’ubucuruzi bw’amafaranga.