December 3, 2021

Rwandanews24

Publishing Factual, verified and accurate stories

Urukingo rurinda kwandura COVID19 rwatangiye kugeragezwa muri Amerika

YASUWE 71 

Inzego z’Ubuzima muri Leta Zunze Ubumwe za Amerika zatangaje ko igerageza ry’urukingo rwo kurinda kwandura virusi ya COVID-19 ryatangiye kuri uyu wa Mbere taliki ya 16 Werurwe 2020.

Umuyobozi w’Ikigo cy’igihugu gishinzwe Indwara zandura muri Leta Zunze Ubumwe za Amerika, Dr. Anthony Fauci, yatangaje kuri uyu wa mbere ko gushaka urukingo rwo kurinda abantu kwandura Coronavirus ari ikintu cyihutirwa muri iki gihe. Ati “Iki cyiciro cya mbere cy’ubushakashatsi ni intambwe ya mbere ikomeye yo kugera ku ntego.”

CNBC yatangaje ko Ikigo cy’igihugu cy’ubuzima kimaze iminsi cyihutisha imirimo yo kuvumbura urukingo mu kigo gikomeye kuri siyansi y’ibinyabuzima “Moderna” kugira ngo haboneke urukingo hakoreshejwe utunyangingo twa coronavirus nshya.

Igerageza ririkubera mu kigo cy’ubushakashatsi cyitwa Kaiser cyo muri leta ya Washington, aho COVID-19 yibasiye abayobozi bagahagarika insengero. Iryo gerageza rirakorerwa ku bagabo 45 n’abagore badatwite bari hagati y’imyaka 18 na 55 y’amavuko batatangajwe umubare.

Nta muti uremezwa kuri icyo cyorezo kimaze guhitana abarenga 6500 no kwandura abarenga 179 000 ku Isi kuva gitangiriye mu Mujyi wa Wuhan mu Bushinwa mu gihe kitaragera ku mezi atatu.