December 3, 2021

Rwandanews24

Publishing Factual, verified and accurate stories

Rutsiro: Abakora umwuga w’uburaya 100 bahuguwe ku itegeko ribemerera gukuramo inda

YASUWE 56 

Kuri uyu wa gatatu, tariki 11/03/2020 mu karere ka Rutsiro, Umurenge wa Ruhango, akagari ka Nyakarera, ku kigo nderabuzima cya Kayove, no ku biro by’akarere ka Rutsiro habereye ubukangurambaga ku ngingo y’i 125 yemerera uwatewe inda kuyikuramo, yo mu gitabo cy’amategeko ahana cy’u Rwanda, ubu bukangurambaga bwahuje abakora umwuga w’uburaya 100 bahagarariye abandi, bukaba bwarateguwe n’ikigo HDI ku bufatanye na Minisiteri y’ubuzima, n’umuryango Imbuto foundation.

Bamwe mu bakora umwuga w’uburaya bavuga ko iri tegeko rizabafasha gukumira imbogamizi nyinshi bahuraga nazo.

Bamwe mubakora umwuga w’uburaya batifuje ko amazina yabo atangazwa bavuga ko itegeko rizabafasha byinshi.

Umwe ati “imbogamizi ya mbere iri tegeko rije gukemura nuko nabaga nahura n’umugabo inshuro imwe akaba yantera inda, kandi nta mikoro mfite nkaba ntanavuga ngo ndayikuramo kuko nabag numva nzafungwa imyaka myinshi, kuko akenshi ubyara umwana akajya akubaza ngo Maman ubundi Papa ari hehe? Kandi mwarahuye rimwe utazi naho wamushakira.”

Undi ati “hari ubwo uwo mufitanye isano agutera inda kandi uwo mwana ntacyo yitwa cyo, ugana muganga gusa hari izindi nzego uba wabanje gucamo bakabigufasha bakayigukuriramo.”

Undi ati “twazikuragamo bitemewe n’amategeko, ariko kuri ubu mugihe waba warayamanye nuwo mufitanye isano iyo nda ntiwakwemera kuyibyara, kuko ufite uburenganzira mu kuba wakwegera muganga wemewe n’amategeko akayigukuriramo aho kubikora rwihishwa.”

Mporanyi Theobard Impuguke mu buzima rusange akaba n’umujyanama mu kigo giharanira uburenganzira bwa muntu no guteza imbere ubuzima HDI, yemeza ko iyi ngingo isobanura igihe uwakuyemo inda adashobora ku biryozwa, ko hari icyo igiye gukemura ku bakora umwuga w’uburaya no kuri Leta.

Ati “ni bikorwa mu buryo basobanuriwe bizabarinda ingaruka zirimo urupfu, gufungwa no kwangirika imyanya myibarukiro, akenshi usanga abagiye gukuramo inda mu buryo bwa magendu ari ibintu bihenda ubuvuzi mu kongera kubavura kugira ngo bongere babone ubuzima, kuko iyo umugore yangiritse mu rwego rw’ubuzima bikorwa n’impuguke kugira bavurwe bigahenda leta, kandi no mu miryango baturukamo usaga bamara igihe kinini kwa muganga kuruta icyo yari kuzamarayo.”

Akenshi bahura n’ibibazo byo guhohoterwa n’abagabo banahuye umunsi umwe batanaziranye bakabafata ku ngufu rimwe na rimwe, banagaragaje ko akenshi basaba abagabo gukoresha agakingirizo bagasanga bagatoboye, kandi batazanabona aho babashakira, iryo ni ihohoterwa rikomeye.

Ingingo ya 125 mu itegeko rishya Nº68/2018 RYO KU WA 30/08/2018 RITEGANYA IBYAHA N’IBIHANO MURI RUSANGE ivuga ko bizajya bikorwa na muganga, ariko kugirango muganga akuremo inda bizajya bigenwa n’iteka rya Minisitiri ufite ubuvuzi mu nshingano ze.

NshimiyimanaEric@rwandanews24.com