December 1, 2021

Rwandanews24

Publishing Factual, verified and accurate stories

Uburusiya na none mu matora ya Amerika, intsinzi ya Trump

YASUWE 52 

Ese Uburusiya buzongera guhirwa n’urugendo rwo guherekeza Donald Trump mu kumugeza ku ntsinzi nk’uko byakomeje kuvugwa mu matora y’ubushize? Trump yari yakomeje kubihakana ko Uburusiya butamufashije gutsinda amatora, gusa kuri iyi nshuro bavumbuwe kare.
Inzego z’ubutasi za Leta Zunze Ubumwe z’Amerika zaburiye ko Uburusiya buri kugerageza gufasha Perezida Donald Trump ngo azongere atorwe mu matora ateganyijwe kuba mu kwa 11, nkuko ibitangazamakuru byo muri Amerika bibivuga.
Ibyo byavugiwe mu nama yabereye mu muhezo y’urwego rushinzwe ubutasi rwo mu nteko nshingamategeko y’Amerika ku itariki ya 13 y’uku kwezi kwa kabiri, nkuko abategetsi babibwiye ibitangazamakuru byo muri Amerika.

Amakuru avuga ko Perezida Trump yarakaye bikomeye, yinubira ko abo mu ishyaka ry’abademokarate bakoresha ayo makuru bamwibasira.
Kuwa kane, nibwo perezida wa Leta zunze ubmwe za Amerika Trump yasimbuje Joseph Maguire, wari umuyobozi w’agateganyo ushinzwe ubutasi.
Donald Trump yarakajwe mu buryo bw’umwihariko n’uko Adam Schiff, umudemokarate wayoboye ibikorwa byo gushaka kumweguza, na we yari muri iyo nama.
Maguire yahabwaga amahirwe yo guhabwa akazi k’igihe kirekire nk’umuyobozi w’urwego rw’ubutasi, Director of National Intelligence (DNI).

Ariko icyo kinyamakuru kivuga ko Perezida Trump yisubiyeho ubwo yamenyaga iby’iyo nama, ndetse n’icyo yise “kutayoboka” k’uwo wari umukozi we.
Muri iki cyumweru, Trump yatangaje ko Maguire azasimburwa na Richard Grenell, ambasaderi w’Amerika mu Budage uzwiho kuba umuntu umwumvira.
Abakozi babiri bo mu butegetsi bwa Trump bawiye itangazamakuru ko uko gusimbuza Maguire, mu buryo bwihuse cyane nyuma yo kuba kw’iyo nama itavugwaho rumwe, byombi bifitanye isano.
Abayobozii bo mu nzego z’ubutasi bw’Amerika bavuga ko Uburusiya bwivanze mu matora ya perezida w’Amerika yo mu 2016 mu gutera ingabo mu bitugu ibikorwa byo kwiyamamaza kwa Donald Trump no guteza akavuyo mu bikorwa by’amatora muri Amerika.
Abademokarate banenze Perezida Trump kubera gushyiraho Grenell, uyu akaba yari yarahinyuye ibivugwa ko Uburusiya bwivanze mu matora ya perezida muri Amerika ndetse akaba yarishimiye kwaduka mu Burayi kw’abanyapolitike bafite abatwara y’ubuhezanguni.