December 1, 2021

Rwandanews24

Publishing Factual, verified and accurate stories

Karongi: Uruhare bagira mu kubungabunga Parike rwatumye bubakirwa ishuri

YASUWE 79 

Kuri uyu wa kabiri taliki ya 18 Gashyantare 2020, mu karere ka Karongi mu murenge wa Mutuntu hatashywe ku mugaragaro imishinga ya EP Nyamugali na G.S Manji, yatewe inkunga na Leta y’u Rwanda, ibinyujije mu kigo cy’igihugu gishinzwe iterambere RDB, muri gahunda yo gusaranganya umusaruro w’ubukerarugendo n’abaturiye pariki y’igihugu ya Nyungwe.

Mu mpera z’umwaka wa 2018 nibwo ibyumba by’incuke ku ishuri rya Nyamugari byatangiye kubakwa, maze mu ntangiriro za 2019  ibyumba by’amashuri bibiri bitangira gukoreshwa.

Ababyeyi igikorwa nk’iki bacyakira neza, kuko mbere y’uko bikorwa haba inama bagasobanurirwa aho inkunga izaturuka, bakabiha umurongo, kandi nabo hari uruhare rwabo, barishimira ubuyobozi bw’igihugu inyubako bubakiwe, bagashima ko Leta ireberera umuturage akaba ku isonga.

Uhagarariye ababyeyi avuga ko bazabungabunga Parike, bagasaba akarere ko kabarebera kakazabashakira aho amazi aturuka ku nyubako yabikwa ikigega kugira ntakomeze kwangiriza ibidukikije.

Ati” Ababyeyi b’ i Manji n’aba Nyamugali mpagarariye, barabasezeranya kubungabunga Parike, ariko turabasaba ko Leta yadufasha gufata amazi ava ku ishuri kuko ari menshi, no kudusanira ishuri rishaje, kandi barifuza ko ikigo cya Manji cyazajya gicumbikira abanyeshuri bakiga babayo.”

Ngoga Thelesphore ukora muri RDB mu ishami rishinzwe ubukerarugendo avuga ko Parike buri wese uyituriye igomba kumugirira akamaro.

Abaturage baturiye pariki ya Nyungwe bahawe ishuri ku mugaragaro

Ati “Parike nibungwabungwa neza muzabona ayandi mashuri, muzabona amavuriro, muzabona byinshi byiza.”

Abaturanyi ba hafi ya Parike Leta yanze ko mucurwa n’ibikorwa mu mafaranga yasaruwe muri parike, rero turabasaba ko mwarwanya ba rushimusi, ba rututizi, muyibungabunge ntawakwinjiramo muhari.

Umunyamabanga nshingwabikorwa w’akarere ka Karongi avuga ko abaturage bagomba kwishimira ibikorwa byiza leta ibaha, babibyaze umusaruro babibungabunge.

Ati ” Tubungabunge ishyamba kuko ridufitiye akamaro, twororere mu biraro, umurage mwiza ni uburezi ku bana bacu, abarezi bashyiremo imbaraga abana batsinde neza.”

Ibi ni ibiro by’ishuri ryatashywe

Ndashimira RDB kuba ikoresha neza umusaruro uva mu kubungabunga Parike, ikibuka abaturage ba  Karongi, kandi nabo rwose bashishikarire kubungabunga Parike.

Ndasaba abaturage kwitabira gahunda za Leta dutanga mutuelle de sante, twitabira gahunda yo kwizigamira ya Ejo heza, abana tubakangurire kwirinda gukoresha ibiyobyabwenge.

Ikibazo cy’amazi akarere karayafata vuba ibidukikije birengerwe, naho kubaha ikigo gicumbikira abanyeshuri birasaba kubanza tukicarana n’abayobozi dukorana tukaganira ku ngengo y’imari bakaba bazabaha ishuri rwose gusa si vuba, ariko bizakunda.

Urubyiruko mukunde ishuri mureke ababashuka, mwirinde ibiyobyabwenge.

Iki cyumba cyuzuye ku Ishuri rya Manji cyatwaye amafaranga y’u Rwanda Miliyoni 12.355.351 yavuye mu nkunga za RDB, hakiyongeraho uruhare rw’itorero nurw’ababyeyi barerera muri iri shuri bakoraga imiganda. Iki cyumba kirimo ibiro by’abayobozi cyuzuye gitwaye miliyoni 17.

Ibyumba by’amashuri bibiri n’ibikoresho byuzuye bitwaye Miliyoni 16.510.000, aho RDB yabatey inkunga ya Miliyoni 11, andi akava mu itorero no mu babyeyi yaguze ibikoresho asaga 5.510.000.

10% by’amafaranga yinjira avuye mu bukerarugendo, niyo afasha abaturiye Parike, kuko hari ubwo inyamaswa zonera abaturage, barayibungabunga bakubakirwa amavuriro, amashuri n’ibindi bikorwa remezo.

Muri uyu mwaka RDB yashoye Miliyoni 127  mu mishinga 21 ikorera mu mirenge ya Mutuntu na Twumba.

Nshimiyimana Eric@rwandanews24.com