December 3, 2021

Rwandanews24

Publishing Factual, verified and accurate stories

Ruhango: Uburyo bwo guhinga hasasirwa ibihingwa butanga umusaruro

YASUWE 222 

Mu karere ka Ruhango mu murenge wa Mbuye,hari itsinda ry’abahinzi 22 ryitwa Shalom bahisemo gukora ubuhinzi bubungabunga ubutaka mu buryo bwihariye bwo kuburaza no kuburinda isuri bityo bukarushaho gutanga umusaruro aho bemeza ko iyo bahinze muri ubu buryo umusaruro wikuba kabiri uwari usanzwe.

Ubusanzwe kuraza umurima bikorwa bareka kuwuhinga mu gihe runaka nk’umwaka no kuzamura. Muri ubu buryo bwo gukoresha ubutaka bunabungwabungwa, aho guhinga umurima nk’uko tubimenyereye, barawuharura ibyo aba bahinzi bita kuwucokoza.

Mu gutera ho, baca imyobo ku murongo, bakanafumbira, umwanya wasigaye hagati y’ibihingwa ugasasirwa ukanaterwamo ibyatsi bita ndumburabutaka birimo nk’ibyitwa lablab n’inkori. Ibi

babyita kuraza umurima kuko ubutaha bahinga aho bari basasiye.

Ndikuryayo Evalde ni umwe mu bagize iri tsinda ndetse nawe yatangiye kubukoresha iwe aho yemeza ko butanga umusaruro wisumbuye ati “ ubu buryo bwo hinga habungabungwa ubutaka ni bwiza cyane kuko uretse kuba bufata ubutaka ntibutwarwe n’isuri bunatuma ubutaka bugumana ubuhehere kuburyo ibihingwa biguma bitoshye ndetse bikera cyane” Uwineza Delphine, agronome ukorana naba bahinzi, avuga ko bazanye ubu buryo bwo guhinga habungabungwa ubutaka kubera ko uburyo busanzweho butuma ubutaka busaza vuba kandi ntibutange umusaruro ati “ dukomeje guhinga ubutaka uko tubikira ubu twazashidyka mu myaka 50 nta butaka bwo guhinga tugifite ariko iyo hakoreshejwe uburyo bwo guhinga habungabungwa ubutaka turabugumana bugatanga umusaruro  kandi ntibusaze”

Makuza Richard umuyobozi w'umuryango mpuzamahanga menonite central committee ari nawo wigisha aba bahinzi avuga ko nyuma yo gusanga ubu buryo butanga umusaruro ukubye kabiri uburyo busanzwe, bafite gahunda yo kubukwirakwiza binyuze mu guhugura abashinzwe ubuhinzi barimo ba gronome n'abajyanama b’ ubuhinzi ati “twifuza ko twazafatanya n’inzego za leta byibure nka ba agronome b’imirenge byashoboka tukagera no ku bajyanama b’ubuhinzi tukaganira kuri ubu buryo”

Kugeza ubu uburyo bwo guhinga mu buryo bubungabunga ubutaka burakoreshwa na bamwe.

Tuyisenge Adolphe@rwandanews24.com