December 1, 2021

Rwandanews24

Publishing Factual, verified and accurate stories

Umunyarwanda Gasana akurikiranyweho kubeshya inzego za Amerika kubera uruhare yagize muri Jenoside yakorewe Abatutsi

YASUWE 236 

Kuwa kane taliki 6 Gashyantare 2020  umugabo witwa Idrissa Gasana w’imyaka 53 yahamijwe icyaha  n’urukiko rw’i Manchester ahitwa Concord muri Leta ya New Hampshire cyo kubeshya urwego rw’abashinzwe abinjira n’abasohoka, kugira ngo yemererwe kujya muri USA kandi hari uruhare yagize muri Jenoside yakorewe Abatutsi.

Yafashwe ku wa Kabiri, taliki 04, Gashyantare, 2020 ubu akaba afunzwe kuzageza ku wa Kabiri w’Icyumweru gitaha ubwo azitaba ubutabera, nk’uko umushinjacyaha muri USA witwa Scott Murray abivuga.

Ubushinjacyaha buvuga ko Gasana yabeshye ku mwirondoro we, ubuzima n’akazi yakoraga mbere no muri Jenoside yakorewe Abatutsi muri 1994.

KWAMAMAZA

Amakuru atari yo yatanze ngo yaje gutuma yemererwa kuba muri USA nk’uko n’abandi bujuje ibisabwa bahatura.

Ngo yasubije mu magambo arimo ibinyoma ibibazo biba biri ku rutonde rwitwa ‘ “Questionnaire for Rwandan Visa Applicants.”

Ubushinjacyaha buvuga ko ubusanzwe Idrissa Gasana atari akwiye kwemererwa kuba muri USA kubera gukekwaho uruhare muri Jenoside yakorewe Abatutsi muri 1994 nk’uko Concordmonitor dukesha iyi nkuru yabyanditse.

Muri 2013 hari undi munyarwandakazi witwa Beatrice Munyenyezi nawe wahamijwe icyaha cyo kubeshya inzego za USA kugira ngo abe yo kandi hari uruhare yagize muri Jenoside yakorewe Abatutsi muri 1994.

Icyo gihe yakatiwe imyaka 10  y’igifungo ndetse yamburwa ubwenegihugu bwa USA.