December 6, 2021

Rwandanews24

Publishing Factual, verified and accurate stories

Karongi: Hizihijwe Umunsi mpuzamahanga wo gusoma kuburyo buranguruye

YASUWE 273 

Mu karere ka Karongi, kuri uyu wa Gatatu habereye umuhango wo kwizihiza Umunsi mpuzamahanga wo gusoma ku buryo buranguruye, aho iki gikorwa cyitabiriwe n’ingeri zitandukanye harimo, Ababyeyi bahagarariye komite z’ababyeyi, Abarimu, Abashinzwe uburezi mu mirenge, abarezi, uhagarariye Usaid Soma Umenye mu ntara y’iburengerazuba, Abanyeshuri bitwaye neza mu marushanwa yo kwandika no gusoma neza ikinyarwanda mu mwaka wa 2018 na 2019, Intumwa ya Guverineri n’Intumwa ya Minisitiri w’Uburezi.

Abana bahembwe bishimiye ibihembo bahawe kandi bagaragaza bafite inyota zo kubasha kwandika ibindi bitabo bizabafasha gukomeza gutsinda n’andi marushanwa azaza.

Uwabashije kuganira na rwandanews24 ati “nishimiye ko nabashije kwitabira amarushanwa yo kwandika kandi agatabo nanditse kakabasha kwegukana intsinzi ku rwego rw’igihugu, ubu rwose noneho nzagerageza gukora cyane kugira nutundi nzandika tuzatsinde.”

NSHIMIYIMANA Jean Claude, umuhuzabikorwa w’umushinga Soma umenye mu ntara y’iburengerazuba, ibitabo Soma umenye yatanze muri aka karere  yabitanze ku bufatanye na REB, byatanzwe ngo umunyeshuri afashwe kumenya gusoma, kandi isomero twashyizeho ni ukugira ngo abana barusheho gukomeza gukunda gusoma ikinyarwanda.

Abarimu bigisha mu mwaka wa 1-3 barahuguwe, umushinga unatanga ibitabo, kandi buri mu nyeshuri agira igitabo cye mwarimu amwigishirizamo, na mwarimu afite ibitabo yahawe yigishirizamo kugira abana barusheho gukunda gusoma.

Mukase Valentine Umuyobozi w’akarere wungirije ushinzwe imibereho myiza, yishimiye ko nk’akarere abereye umuyobozi, kizihije uyu munsi mpuzamahanga, akanakangurira ababyeyi kugaragaza uruhare rwabo mu guha Abana umwanya wo gusoma, byibura iminota 15 ku munsi, kandi umwana agasoma aranguruye.

Ati” ni inkingi zishimangira umuco wacu nk’abanyarwanda, zigaragaza ko ari intera ndende kugira ngo abana bacu babashe kumenya gusoma ururimi rw’ikinyarwanda, n’ibindi bishamikiyeho nk’umuco, nkaba nshimira abana bitwaye neza mu marushanwa yo kwandika no gusoma Ibitabo, mu mwaka wa 2018 na 2019 mu marushanwa ya Andika Rwanda, ndetse nkaba nkangurira ababyeyi kujya baha abana babo byibura iminota 15 ku munsi babafasha gusoma.”

Mukase Valentine, Umuyobozi w’akarere ka Karongi wungirije ushinzwe imibereho myiza

Muri iyi gahunda yo gufasha ishuri kugira Isomero, kuva mu mwaka wa mbere kugera muwa gatatu w’amashuri abanza, USAID SOMA UMENYE, yatanze ibitabo by’abarimu bifashisha bigisha bingana na 468, Ibitabo Abanyeshuri bigiramo bo mu mwaka wa 1, 2, na 3 bakoresha bingana na 41.142, Ibitabo by’inkuru zishushanyije, cyangwa zanditse bingana na 32.001, muri ibyo bitabo haarimo udutabo 3.960 byavuye mu marushanwa ya Andika rwanda dukubiye muri imitwe (Article) 24, Amasomero yashinzwe muri buri shuri ryo kuva mu mwaka wa 1 kugera mu mwaka wa 3 angana na 498.

Muri gahunda yo guhemba abana bitwaye neza mu gusoma no kwandika inkuru mu marushanwa ya Andika Rwanda yabaye mu mwaka wa 2018 na 2019, hahembwe abana 35, harimo abo mu mashuri abanza nayisumbuye.

Ubu bukangurambaga bwatangijwe bukaba buzamara igihe kingana n’umwaka, umushinga wa USAID SOMA UMENYE watangiye mu mwaka wa 206, ukaba uzasoza muri 2021.

Abana b’indashyikirwa babashije kwitabira amarushanwa baje gutwa ibihembo byabo
Uhereye i bumoso umuyobozi w’akarere ka Karongi wungirije ushinzwe imibereho myiza (Mukase Valentine), Bisengimana Denis Ushinzwe imiyoborere myiza mu ntara y’iburengerazuba wari waje ahagarariye Guverineri, Intumwa ya Minisitiri w’uburezi ndetse na NSHIMIYIMANA Jean Claude, umuhuzabikorwa w’umushinga Soma umenye mu ntara y’iburengerazuba.
Abana bahembwaga igikapu kirimo amakaye bitewe n’icyiciro bigamo