November 27, 2021

Rwandanews24

Publishing Factual, verified and accurate stories

Perezida Magufuli “Narinzi ko nsanga abagabo bateye abakobwa inda bafunze”

YASUWE 64 

Ibi ni bimwe mubyo Perezida John Magufuli wa Tanzania yatangaje avuga ko yumiwe kuko nta gikorwa ku bagabo bateye inda abanyeshuri 229 mu karere ka Rukwa mu majyepfo ashyira uburengerazuba bw’iki gihugu.

Ubwo yasuraga ako karere  kuri uyu wa kabiri taliki ya 28 Mutarama 2020, Bwana Magufuli yagize ati: “Leta irimo gutanga uburezi nta kiguzi naho aba bagabo bo bashishikajwe no gutera inda abakobwa. Kuki nta cyakozwe kuri aba bagabo?”

Yagiriye inama abanyeshuri b’abakobwa kwanga ibishuko by’abagabo bashaka kubarangaza bababuza gukomeza kwiga.

KWAMAMAZA

 

Yagize ati: “Nibakubwira ngo uri mwiza, babwire bajye kubibwira ba nyina. Ntimukagire ubwoba bwo gukoresha imvugo ikarishye. Ni mwe bayobozi b’ejo hazaza kandi ndashaka ko mwibanda ku masomo yanyu”.

Yongeyeho ati: “Ikigero cy’inda ziterwa abakobwa muri aka karere [ka Rukwa] giteye ubwoba, kandi nari niteze ko abagabo 229 bateye inda abo bakobwa nsanga bafunze nk’uko Citizens yabyanditse”.

Yanenze abayobozi b’inzego z’ibanze n’abanyamadini avuga ko bananiwe akazi kabo.

Mu 2017, Perezida Magufuli yanenzwe bikomeye ubwo yavugaga ko abakobwa babyaye bakiri abanyeshuri badakwiye kongera gusubira ku ishuri nyuma yo kubyara.