December 7, 2021

Rwandanews24

Publishing Factual, verified and accurate stories

Ubushinwa bwafunguye ibitaro bya Coronavirus byubatswe mu masaha 48

YASUWE 97 

Mu mpera z’Icyumweru gishize mu mujyi wa Wuhan mu Bishinwa mu gace kitwa Huanggang hatangiye kubakwa ibitaro bya mbere byo kwita ku bafashwe na coronavirus, bikaba byuzuye nyuma y’amasaha 48 imirimo yo kubyubaka itangiye, bikaba bifite ibitanda bisaga 1.000 byo kwakira abarwayi.

Nkuko Metro dukesha iyi nkuru yabitangaje, guhera kuwa Mbere kugeza kuri uyu wa Gatatu taliki 29/Mutarama/2020, abakozi hamwe n’abakorera bushake biriwe bashyira ibintu ku murongo, kuri ubu ibi bitaro bishobora kwakira abarwayi barenga 1000 kandi bafite ibitanda n’imiti.

Ibikorwa byo gutunganya ikibanza byari byaratangiye muri weekend, taliki 26/Mutarama/2020.

Kugeza ubu iriya virus yari imaze gufata abantu basaga 4500, abagera ku 131 barapfuye mu Bushinwa ariko hari n’abandi yafashe hirya no hino ku isi.

Imirimo yo kubaka biriya bitaro yakozwe ku bufatanye n’abafundi, abakorera bushake, abasirikare na Polisi n’abandi baturage.

Ubu biriya bitaro birimo ibitanda, imiti, amazi, amashanyarazi na internet.

Abakozi bose hamwe bari 500 bakoresha imashini zubaka zirenga 100, bakaba barakoze amasaha 48 bataruhuka na gato.

Umujyi wa Wuhan usanzwe utuwe n’abantu miliyoni 11.5, ukaba umaze igihe mu kato kubera virus ya coronavirus yahadutse ikaba ari virus yandura vuba ariko igahitana abantu bake ugereranyije n’abo yafashe.

Sosiyete ya Japanesse Aircraft ukaba yatanze Maske zirinda isura ibihumbi makumyabiri, itanga ama jiri yo mu kazi, mugufasha ibitaro bya Hubei kugira bibashe kwita kubarwayi.

Wuhan yubatse ibitaro bibiri kugira ibashe kwakira abarwayi basaga 2.500 bashobora kwandura virus ya Coronavirus, birimo n’ibitanda birenga 1000.

Iyi virus uyirwaye akonja bidasanzwe ugereranije n’urwaye izindi ndwara.

Abakozi ibihumbi bakoraga amanywa n’ijoro ngo ibi bitaro byuzure
Ubushinwa bw’ubatse ibitaro bine byo kwita kuri iki cyorezo cya Coronavirus

Ibitaro byuzuye nyuma y’amasaha 48, kuko aho byubatswe hatangiye gutunganywa kuwa gatandatu, bitangira kwakira abarwayi ejo kuwa kabiri

NSHIMIYIMANA Eric