November 27, 2021

Rwandanews24

Publishing Factual, verified and accurate stories

Sarpong vuba ashobora kujya muri imwe mu makipe menshi yo mu Bushinwa amushaka.

YASUWE 46 

 

Rutahizamu w’umunya Ghana w’ikipe ya Rayon Sports Michael Sarpong werekeje mu Bushinwa gukora igeragezwa, azamra icyumwerun’igice mu bushinwa mbere y’uko hafatwa icyemezo ku ikipe agomba kwerekezamo mu minsi iri mbere.

Michael Sarpong

Uyu mukinnyi umaze umwaka n’igice mu ikipe ya Rayon Sports akaba yarerekeje mu Bushinwa mu ntangiriro z’iki cyumweru aho ari kwifuzwa n’amakipe atandukanye harimo ayo mu cyiciro cya 2 agera kuri 2 n’indi kipe yo mu cyiciro cya mbere mu Bushinwa.

Michael Sarpong wafashije Rayon Sports gutwara igikombe cya shampiyona ya 2018/2019 mu mwaka we wa mbere atsinda ibitego bigera kuri 16 akaba yaranatsinze ibitego 6 mu gikombe cy’igihugu.

Yabengutswe n’amakipe menshi harimo ayo muri Aziya no ku mugabane w’i Burayi, ariko ikipe zo mu Bushinwa nizo ziri gutanga amafaranga menshi ku buryo afite amahirwe yo kuba yasinya mu cyumweru gitaha.

FunClub dukesha iyi nkuru baganira n’umwe mu bayobozi ba Rayon Sports yatangaje ko uyu mukinnyi yageze mu Bushinwa amahoro kuri uyu wa gatandatu, akaba agomba kumara hafi ibyumweru 2 mbere y’uko hafatwa icyemezo cyaho agomba kwerekeza.

Yagize ati: “ Amakipe amushaka ni menshi mu Bushinwa, bikaba binashoboka ko yanagurwa mu cyiciro cya mbere byose bigenze neza, kuko baramushimye cyane, akaba afite iminsi 10 mu Bushinwa tukazamenya bidakuka aho agomba kwerekeza.”

Sarpong Michael arifuzwa n’amakipe atandukanye harimo iyitwa Shaanxi Chang’an Athletic na Changchun Yatai Fc zo mu cyiciro cya 2 ndetse n’indi kipe yo mu cyiciro cya mbere iri hagati ya Qingdao Huanghai na Shijiazhuang Ever Bright.

Uyu mukinnyi byose bigenze neza akaba yasinya muri 1 muri aya makipe bitarenze tariki ya 12 z’uku kwezi kwa mbere, agahita atangira kwitegura umwaka w’imikino mushya wa 2020.

Mu bushinwa abakinnyi b’abanyamahanga bazamuriwe umubare, aho kuri ubu ikipe yemerewe kwandikisha abakinnyi 4 mu cyiciro cya 2 bavuye ku bakinnyi 3. Abakinnyi bagomba kuba bari mu kibuga ari abanyamahanga ntabwo baba bagomba kurenga 2 mu mukino.

Bigenze neza nk’uko byitezwe Sarpong Michael yatangwaho akabakaba $150 000 agahembwa agera ku $450 000 ku mwaka.

Mu minsi mike ishize Sarpong yerekeje mu Bushinwa

Sarpo g yageze mu Rwanda muri 2018 avuye mu ikipe ya Dreams FC y’iwabo muri Ghana, Ikipe ya Rayon Sports ikaba yarishyuye $10 000 ikipe ya Dreams FC yo muri Ghana Sarpong yaje aturukamo, mbere yo kuza mu Rwanda akaba yarabanje no gukinira ikipe ya Liberty Professionals y’iwabo muri Ghana.