November 27, 2021

Rwandanews24

Publishing Factual, verified and accurate stories

Gahima wahoze ari umugabo wa Aline Gahongayire yakoze ubukwe n’undi mugore (Amafoto)

YASUWE 80 

Gahima Gabriel wahoze ari umugabo wa Aline Gahongayire yakoze ubukwe n’undi mugore. Inkuru y’ubukwe bwa Gahima yasakaye mu ijoro ryo kuri uyu wa Gatandatu tariki 28 Ukuboza 2019, rishyira ku Cyumweru aho aho uyu mugabo yasakaje amafoto ye n’umugore we ku mbuga nkoranyambaga agaragaza ko yishimye ndetse anabwira inshuti ze ko ‘bahanye isezerano mu buryo bwemewe’.

Gahima Gabriel na Aline Gahongayire wahoze ari umugore we bahanye isezerano ryo kubana akaramata ku wa 20 Ukuboza 2013.

Nyuma y’amezi atatu hatangiye gukwira inkuru zavugaga ko batandukanye ariko bo baza kubyamaganira kure.

Mu 2014 baje kwibaruka imfura yabo bise Ineza ku bw’amahirwe make ahita yitaba Imana.

Nyuma y’amezi make hongeye gukwira inkuru zivuga ko batandukanye, icyo gihe umugabo yavugaga ko iby’urukundo rwabo abona bitagishobotse.

Muri Mutarama 2015 Gahima yashimangiye ko yamaze gutandukana na Gahongayire ubwo yari muri Tanzania. Icyo gihe Gahongayire yaryumyeho avuga ko ‘yabivuze bimucitse’.

Muri Nzeri 2016 Aline Gahongayire yagiriye urugendo muri Amerika aza kuvugira kuri Radiyo Ijwi ry’Amerika ko arambiwe kubaho aremerewe.

Ati “Impamvu natandukanye na we, ni uko byanze burundu, byaranze ntabwo twumvikanye, ntabwo turi abanzi ariko ntabwo twumvikanye.”

Akanyamuneza kari kose kuri Gahima n’umugore we

Ku wa Kabiri tariki ya 28 Ugushyingo 2017 Gahongayire na Gahima bahawe gatanya isesuye n’Urukiko rw’ibanze rwa Kacyiru buri wese aca inzira ye.

Gahongayire akunze kumvikana mu itangazamakuru avuga ko ari umugore wanyuze muri byinshi ariko bikaba byari igipimo kuri we ngo azabere urugero bamwe ajye anabagira inama.

Asigaye yiyita umugore mushya ndetse aherutse no gukora album yitiriye iri zina.

Gahima Gabriel aherutse guhishura ibaruwa yandikiye abasore b’ingaragu bateganya kurushinga ababurira ku byo bagomba kwitondera mu gihe baba bagiye gushaka umugore.

Amagambo agize iyi baruwa yanyujijwe mu itangazamakuru muri Werurwe 2017 nk’igitekerezo gisanzwe, aho yagaragaje ingeso 10 umusore akwiye kwitondera mu gihe agiye gushaka umugore. Ku wa 27 Mata 2019 nibwo Gahima yahishuye ko ibikubiyemo ari ibyo yabonye mu rushako rwe na Gahongayire.

Iyi baruwa yasohotse Gahima amaze imyaka ibiri atandukanye na Gahongayire, ariko bakiburana mu rukiko bashaka ngo bahabwe gatanya mu mategeko.

Gusa IGIHE yashatse kumenya byinshi byimbitse kuri uyu mugore Gahima yasimbuje Aline Gahongayire ntibyakunda. Amakuru yamenye ni uko uwo mugore atari umunyarwandakazi.