November 27, 2021

Rwandanews24

Publishing Factual, verified and accurate stories

Byavumbuwe ko resitora zisigaye ziteka inyama zashyizemo ibinini bya parasitamoro

YASUWE 56 

Hari amakuru yakwirakwiye muri Nigeria ko resitora zisigaye ziteka inyama zigashyiramo ibinini byitwa parasitamoro (paracetamol) kugira ngo zishye vuba bityo zidatwara ibicanwa byinshi.
Aya makuru avuga ko resitora zisanzwe zikoresha ubu buryo bwo kuvungurira ibinini bisanzwe bivura umutwe kugira ngo inyama zishye mu kanya gato kandi ngo hari n’ingo ziteka inyama zibikoze muri ubwo buryo.

Bivugwa ko agasashi karimo ibinini 12 bya parasitamoro kagurwa N50 kandi buri kinini kimwe giteka byihuse inyama zuzuye isafuriya mu minota mike. Iyi migirire ngo iramenyerewe cyane mu gace ka Uyo muri Leta ya Akwa Ibom.

Umwe mu bakoze ubucukumbuzi yabwiwe n’umwe mu bagore witwa Adeola baganiriye ngo ” Birihuta guteka inyama zirimo parasitamoro. Nagiye mbikoresha kenshi mu guteka ikinono cy’inka. Iyo wongereyemo ikinini kimwe, inyama zihita zishya byihuse.”

Abaganga bavuga ko ibi binini bigabanya ububabare, ko kubishyira mu ifunguro bishobora gutuma impyiko n’umwijima bikora nabi.

Bavuga ko iyo ibinini bishyizwe mu byo kurya bihindura akazi ko kugabanya uburibwe, ahubwo bigahinduka aside (acide) kandi ikaba mbi ku buzima bwa muntu. Aha ngo ihinduka ibyo bita mu butabire 4- aminophenol.

Ba nyir’amaresitora bavuga ko batekesha parasitamoro mu rwego rwo gukoresha ibicanwa bike no gutuma abakiliya badategereza igihe kirekire.

Ikinyamakuru Salonedaily gitangaza ko iki kibazo cyazamuwe n’umwe mu bakoresha Facebook avuga ko urubyiruko rurembejwe n’uburwayi bw’impyiko bitewe no kurya inyama zitekesheje parasitamoro.

Twizere ko mu Rwanda iyi migirire itarahagera. Hari aho biri mu dutungire agatoki, ubuzima bwa benshi butazahazaharira.