December 1, 2021

Rwandanews24

Publishing Factual, verified and accurate stories

MTN yahaye ubumenyi abanyeshuri kuri ‘Marty the Robot’ izamurikwa mu nama ya Transform Africa i Kigali

YASUWE 82 

 

Sosiyete y’itumanaho, MTN Rwanda ifatanyije na kompanyi ya Robotical Africa ndetse na Minisiteri y’Ikoranabuhanga mu Itumanaho no guhanga Udushya, bahaye ubumenyi abanyeshuri b’ibigo bitatu kuri ‘Marty the Robot’ izerekanirwa bwa mbere muri Afurika mu nama izabera i Kigali yiswe Transform Africa 2019.

Marty the robot izamurikwa mu nama ya Transform Africa 2019 izabera muri Kigali Convention Center kuya 14 -17 Gicurasi 2019, ikoreshwa na mudasobwa, ikabasha gutambuka, kuzengureka no gukora ikindi cyose wayitegeka.

Ni imfanshyanyigisho nziza ku banyeshuri bakeneye kwisumburaho mu ikoranabuhanga bahanga porogaramu zitandukanye n’ibindi. Ije isanganira robot yitwa Sophia nayo izitabira Transform Africa 2019 yamamaye cyane yifashishwa ubwenge bw’ubukorano.   

Abanyeshuri bahawe ubumenyi kuri Marty the Robot ni 50 bo mu bigo bitatu, baturutse muri Lycee de Kigali, Well Spring Academy na Trinity Academy.

Bari bamaze hafi ibyumweru bitatu bahugurwa, kuri uyu wa 10 Gicurasi 2019 nibwo bahawe impamyabumenyi, umuhango wabereye muri kaminuza CBE ahahoze ari SFB.  

Aba banyeshuri bigishijwe guteranya Marty the Robot, bahabwa ubumenyi mu bijyanye no gukora porogaramu zitandukanye bifashishije robot, banafashwa guhuza ibyo bize mu ishuri n’ikoranabuhanga rya robot.