Abaporisi batanu ba Uganda bakorera mu mazi bari bagiye mu butumwa bwo gushaka imibiri y’abantu baguye mu mpanuka mu kiyaga cya Victoria mu cyumweru gishize baratabawe ku cyumweru nyuma y’aho ubwato bajyanye gutabara nabwo burohamye, nk’uko polisi ibivuga.
Nibura abantu 20 barapfuye mu mpanuka yo ku wa kabiri ushize y’ubwato bwari bwuzuye cyane byibazwa ko bwarimo abantu 34. Abantu 9 baratabawe abandi baburirwa irengero.
Ku wa gatandatu, polisi yavuze ko yatoye imirambo y’abantu batanu gusa, bose b’abagore.
Bavuze ko ‘’bahuye n’ibihe bitoroshe mu kiyaga hamwe n’imvura nyinshi’’.
Polisi yavuze ko isanganya ryo ku wagatandatu ‘’ryerekana uburyo ikiyaga ari gihindagurika n’uburyo abakozi bayo bahanga n’ibihe bigoye cyane iyo bari mu mirimo yabo yo kurokora ubuzima’’.
Polisi ivuga ko iperereza kuri iryo sanganya rikomeza kandi ibizavamo bizatangazwa.
Hagati aho igikorwa cyo gushaka imibiri y’abarohamye mu kiyaga kirakomeza, nk’uko Polisi ibitangaza.
Impanuka zo mu kiyaga zikunze kugaragara muri Uganda.
