Chelsea ishaka Lionel Messi mu gihe Neymar Jr wa PSG ashakwa cyane na Newcastle United

Ku bakunzi b’umukino w’umupira w’amaguru by’umwihariko mu mashampiyona akomeye I Burayi, ndetse no kuba baba bafiteyo amakipe atandukanye bakunda, bahora bafite amatsiko yo kumenya ngo ni abahe bakinnyi ikipe yabo ishaka kugura, cyangwa se umukinnyi bakunda ikipe ashaka kujyamo mu mwaka w’imikino utaha.

Kugeza ubu hari amakuru menshi atandukanye ku makipe atandukanye I Burayi ndetse n’abakinnyi batandukanye.

Kugeza ubu ba nyir’ ikipe ya Newcastle United barifuza rutahizamu wa Paris St-Germain w’umunya-Brazile Neymar Jr w’imyaka 31. Barateganya kumugura mu mpeshyi z’uyu mwaka. Ni mu gihe Chelsea nayo iri mu makipe ashaka kugura rutahizamu w’umunya-Argentine Lionel Messi w’imyaka 35 nk’uko tubikesha Football London

Wolves ishobora kwemerera Barcelona miliyoni 30 z’amayero, ikanabaha umukinnyi wayo wo hagati Ruben Neves w’imyaka 26, kugira ngo ibashe kubona umunya-Espagne Ansu Fati w’imyaka 20. Barcelona yo ubu iri gushaka umukinnyi wo hagati wa Maroc Sofyan Amrabat w’imyaka 26 usanzwe ukinira Fiorentina.

Ibi kandi bishobora kongerera Arsenal amahirwe yo kubona umunya-Espagne ukina hagati Martin Zubimendi w’imyaka 24 asanzwe akinira Real Sociedad. Manchester United nayo iri gushaka gutera intambwe mu kugirana ibiganiro na rutahizamu wayo w’umwongereza Marcus Rashford w’imyaka 25 kugira ngo yongererwe amasezerano. Bafite kandi n’ikizere cy’uko ashobora gukinana na Harry Kane w’imyaka 29 ushanzwe ukinita Tottenham.

Arsenal na Aston Villa ziri makipe ari gukurikiranira hafi umukinnyi w’ umunya-Espagne ukinira Barcelona Ferran Torres w’imyaka 23 nk’uko tubikesha Talksport. Aston Villa irmo kureba uburyo yagura rutahizamu wa Serbia Dusan Vlahovic w’imyaka 23, we akaba asanzwe akinira Juventus.

Uwahoze akinira Espagne na Liverpool, Xabi Alonso aravugwaho kuba yaba umutoza wa Tottenham, gusa ngo we yihebeye Bayer Leverkusen yo mu Budage 100% asanzwe anatoza. Umukinyi wo hagati wa Manchester City na Portugal, Bernardo Silva, w’imyaka 28, hamwe n’Umufaransa akina ku ruhande muri Crystal Palace, Michael Olise, w’imyaka 21, bari ku rutonde rw’abakinyi bashakishwa na Paris St-Germain.

Brighton ifite icyizere cyo kubona umwongereza, James Milner w’imyaka 37, mu myeshyi, ari nabwo amasezerano afitanye na Liverpool azaba arangiye. Iyi kipe yo ikaba iri gushyira imbara mu kubona umunya-Argentina Alexis Mac Allister w’imyaka 24.

Fulham irasaba miliyoni 50 z’amapawundi mu mpeshyi iza, ku ikipe iyo ariyo yose izashaka umukinnyi wo hagati wa Portugal, Joao Palhinha w’imyaka 27, mu gihe asanzwe ashakwa na Liverpool na Bayern Munich nk’uko tubikesha Football Insider.  

Umufaransa Allan Saint-Maximin, rutahizamu wa Newcastle United w’imyaka 26, avugwa ko ashobora gusezera iyi kipe ariko nta mugambi wo kumugurisha, n’aho igiciro kiri hejuru cya miliyoni 40 z’amapawundi gishobora kuba ikigeragezo nk’uko byatangajwe na Telegraph

Newcastle United yohereje ba maneko ngo bakurikirane umunya-Hongrie ukina Dominik Szoboszlai w’imyaka 22, , hamwe n’umunya-Mali Amadou Haidara w’imyaka 25 akina hagati, bombi bakaba bakinira RB Leipzig. Ibyo tubikesha Sky Sport Germany.

Mauricio Pochettino, yitezweho kuba umutoza wa Chelsea, bivugwa ko kandi azahita aha umwanya rutahizamu w’umu-Biligi w’imyaka 29 Romelu Rukaku, aho azaba atahutse avuye muri Inter Milan yari yatijwemo.

Harvey Barnes ashobora gukurikira mugenzi we ukina hagati, umwongereza James Maddison mu gusezera Leicester City mu mpeshyi iza, mu gihe ikipe ya Newcastle, Tottenham na Aston Villa izwi ko iri gukurikiranira hagufi uyu mukinnyi w’imyaka 25. Mail niko ibitangaza.

West Ham ifite impungenge zo gutakaza umunya- République Tchèque ukina hagati Tomas Soucek w’imyaka 28, cyo kimwe n’umwongereza Declan Rice w’imyaka 24. (Football Insider).

Reiss Nelson yanze amasezerano ya mbere mashya yemerewe na Arsenal, mu gihe ikipe zitari nke mu Bwongereza no hanze yifuza kwakira uyu Mwongereza w’imyaka 23 akina ku ruhande kandi ku buntu. (Fabrizio Romano)

Manchester City iri hafi yo kurangiza gutegura y’amasezerano mashya n’Umwongereza ukina inyuma Rico Lewis w’imyaka 18. Umukinyi w’inyuma wa Irlande, Andrew Omobamidele w’imyaka 20, ahanze amaso amakipe atari mike y’i Burayi harimo AC Milan na Nice, ikipe ye Norwich City ikaba imushyira ku giciro cya miliyoni 20 z’amapawundi nk’uko tubikesha Irish Independent.

Leave a Reply

Your email address will not be published. Required fields are marked *