Ikipe ya Arsenal nubwo yatakaje mu mukino yatsinzwemo na Manchester City ibitego 4-1 iracyayoboye urutonde rwa Shampiyona y’Abongereza.
Ni mu mukino w’ikirarane wahuje aya makipe asanzwe anakurikirana ku rutonde rwo guhatanira igikombe, ukaba wabaye kuri uyu wa 26 Mata 2023, utangira ku isaha ya saa tatu z’ijoro ku masaha yo mu Rwanda.
Muri uyu mukino wishiraniro igice cya mbere cyarangiye ikipe ya Manchester City iri imbere n’ibitego 2-0.
Mu mukino abatsinze ibitego ku mpande zombi harimo rurangiranwa Kevin De Bruyne watsinzemo ibitego 2, John Stones na Rurangiranwa Erling Haaland, mu gihe Arsenal yatsindiwe na Holding.
Ni umukino wabaye ikipe ya Arsenal iri imbere ho amanota 5 urangira hasigayemo inikyuranyo cy’amanota 2, kuko kuri ubu ikipe ya Arsenal ifite amanota 75 mu gihe ikipe ya Manchester City ifite amanota 73 mu gihe ifite imikino 2 itarakina.
Ibi bivuze ko ikipe ya Manchester City iramutse itsinze imikino yayo 2 yahita irusha ikipe ya Arsenal amanota 4.
Mu makipe akomeye ikipe ya Arsenal itarahura nayo harimo ikipe ya Chelsea bazahura ku itariki 29 Mata 2023.
Shampiyona y’abongereza irimo kugana mu mikino ya nyuma amakipe arimo kurwana no kutamanuka harimo Southmpton, Everton na Leicester City.
