Umufasha w’umukuru w’igihugu cya Kenya Madame Rachel Ruto yatangaje amasengesho mu gihugu cyose yo kurwanya ubutinganyi, avuga ko ari igitero ku muryango.
Madame Ruto avuga ko igihugu kidashobora gushyigikira itegeko Urukiko rukuru rwafashe mu kwezi gushize kwa Gashyantare 2023 ryo kwbahiriza uburenganzira bw’abatinganyi bwo gushinga amashyirahamwe.
Kuri iki cyumweru Madame Ruto yagize ati: “Ntidukwiye no kugerageza kuvuga ibijyanye n’ abatinganyi. Iki ni ikiganiro tudakwiye no kuba dufite mu gihugu kubera ko kubyemera ari nko guta abantu muri gehenomu.”
Ubutinganyi buracyafatwa nk’icyaha muri Kenya. Urukiko rukuru rwemeje ko kwima abatinganyi uburenganzira bwo gushinga amashyirahamwe muri Kenya kwaba ari ugukandamiza uburenganzira bwabo bwo gushinga amashyirahamwe, nk’uko biri mu itegeko nshinga.
Hagati aho, iri tegeko ryamaganywe n’umukuru w’igihugu William Ruto hamwe n’abayobozi b’ amadini muri Kenya.
BBC yatangaje ko Umuyobozi mukuru w’urukiko rw’Ikirenga muri Kenya avuga ko leta izarwanya iri tegeko ryemejwe n’urukiko, ashimangira ko iki kibazo kizabanza kuganirwaho n’abanyagihugu, ko atari ikibazo kireba inkiko.
