Rutsiro: Inkuba yakubise umwana w’imyaka isaga 5 arapfa

Umwana witwa Imanirarema Chanceline w’imyaka ine n’igice wo mu karere ka Rutsiro yakubiswe n’inkuba arapfa.

Ibi byabaye mu mvura irimo inkuba yaguye ku mugoroba wo kuri uyu wa 12 Ukuboza 2022 mu masaha ashyira saa kumi n’imwe nk’uko isoko ya Rwandanews24 yo mu murenge wa Ruhango yabitangaje.

Ibi byabereye mu murenge wa Ruhango, akagari ka Nyakarera, ho mu kagari ka Kabeza ubwo imvura yagwaga irimo inkuba yakubise umwana waruri mu nzu ari kumwe n’ababyeyi be.

Ruzindana Ladislas, Umunyamanga nshingwabikorwa w’umurenge wa Ruhango yahamije aya makuru.

Ati “Nibyo koko inkuba yakubise Imanirarema wari kumwe n’ababyeyi be murugo, umurambo we ukaba ugiye kujyanwa ku bitaro bya Murunda kugira ngo ukorerwe isuzuma mbere y’uko ushyingurwa.”

Yasabye abaturage ko mu gihe cy’imvura irimo inkuba bajya birinda kugama munsi y’ibiti, bakirinda no gukoresha ibikoresho by’ikoranabuhanga imvura irimo igwa ariko avuga ko akurikije uko mbere inkuba zicaga abantu benshi muri aka karere, ubu asanga iki kibazo cyaragabanutse.

Tariki ya 20 Kanama 20222, mu murenge wa Kigeyo muri aka Karere inkuba yaherukaga gukubita umugore n’umukobwa bahinganaga, umwe arapfa undi akomereka byoroheje.

Subiza ku gitekerezo

Your email address will not be published. Required fields are marked *